2019年7月1日 星期一

【7.1上街】譚詠麟歌迷帶珍藏黑膠碟到維園踩爛 痛罵阿倫離棄香港人 __,譚詠麟,阿倫,

攝影:陳慧安、陳俊強、林賓尼
今日民陣發起「七一遊行2019」,主題為「撤回惡法林鄭下台」,下午1時許,維園已聚集遊行人士,有兩名譚詠麟(阿倫)的資深歌迷,將家中珍藏的阿倫黑膠碟全 ...


今日民陣發起「七一遊行2019」,主題為「撤回惡法 林鄭下台」,下午1時許,維園已聚集遊行人士,有兩名譚詠麟(阿倫)的資深歌迷,將家中珍藏的阿倫黑膠碟全部帶來現場,丟在草地上用腳踩爛,現場還有幾位參與遊行人士,都加入齊踩阿倫的黑膠碟,有人還爆粗。

相關新聞:【引渡惡法】內地人毋懼暴權街頭抗爭 香港人更不可退縮



直播連結

果燃台直播

《蘋果》Facebook

《蘋果》YouTube



事緣昨日阿倫出席撐警集會,指不想涉足政治:「再咁落去,香港無得救。再搞落去無人管治到香港。」引起歌迷對其言行失望。

相關新聞:捉不到的燕子 觸得到的傷痕 岑子杰



53歲黃先生表示約10歲便開始聽阿倫及溫拿的歌,今日帶了十多張黑膠碟到現場踩爛。問黃先生昨日見到阿倫為撐警站台及其言論有何感想?他直言感到愕然:「見佢咁好愕然,我以為見到阿叻(陳百祥)都唔會見到佢,反而阿叻無出現。我愕然完之後就覺得有冇搞錯?佢嘅名氣,甚至名利,都係土生土長香港人咁多年對佢支持得番嚟,喺而家咁關鍵嘅時候,我覺得佢係離棄咗香港人。」



問黃先生是否將家中的黑膠碟都拿出來?他表示:「係,搵到嘅都帶晒出嚟,有10幾張,溫拿都帶晒出嚟!」問他是否覺得可惜時,黃先生即語氣堅定說:「唔會,因為佢而家對我嚟講價值係零。」



至於阿倫昨日的表現,又是否令他覺得可惜?黃先生回應稱:「唔會覺可惜,每人取態可以唔同,自己都有自己選擇,我嘅選擇就係由噚日開始唔會再欣賞呢個人,所以唔希望佢嘅嘢喺我屋企出現。」



黃生續謂,自己是近兩年再參與7.1遊行,以前屬政治冷感,現在已退咗休,就用僅餘有用嘅身軀支持一下,「其實我對香港死心好耐,見到保皇黨喺議會,無需理公義,無需理市民聲音,打橫嚟,監粗嚟,之前好死心,但年青人咁樣行出嚟,如果唔企喺佢哋後面back up同支持佢哋,過唔到自己嗰關。」



另一位歌迷王先生珍藏了3、4張阿倫的黑膠碟,他踩爛後接受訪問:「以前有聽佢啲歌,近排都冇啦,聽咗都有幾十年。」問到點解咁不滿?他說:「佢撐警囉,對佢好唔滿意,印象轉變晒,做公眾人物,佢哋應該唔好出聲,出得嚟搵食賺人仔,就唔好出嚟講嘢,應該縮埋一邊唔好講嘢,暗地撐係你嘅事,唔好出嚟講,犯眾憎。」問以後還會聽阿倫的歌嗎?他說:「唔聽,碟都丟埋,一鋪清袋。」



港府硬推《逃犯條例》修訂二讀,觸發逾百萬人上街抗惡法,6.12警方暴力清場致市民兩度包圍政總,警民關係緊張。昨日建制派議員發起撐警集會,譚詠麟(阿倫)和鍾鎮濤(阿B)現身站台支持警察,阿倫指不想涉足政治:「再咁落去,香港無得救。再搞落去無人管治到香港。」而阿B則表示要講的是正義,希望子女能知道對錯,又斥現時年輕人「九唔搭八」,強調孝順父母及奉公守法是理所當然的事。



-----------------------------

7月4日起 《蘋果動新聞》只限升級壹會員閱覽

繼續撐蘋果!



攝影:陳慧安、陳俊強、林賓尼 黃先生曾是阿倫歌迷,對阿倫昨日上台撐警愕然,今日帶阿倫黑膠碟到維園踩爛。 黃先生曾是阿倫歌迷,對阿倫昨日上台撐警愕然,今日帶阿倫黑膠碟到維園踩爛。
 其他人亦加一腳。

其他人亦加一腳。
當中除阿倫黑膠,亦有溫拿的唱片。

當中除阿倫黑膠,亦有溫拿的唱片。
王先生鬧阿倫:「暗地撐係你嘅事,唔好出嚟講,犯眾憎。」

王先生鬧阿倫:「暗地撐係你嘅事,唔好出嚟講,犯眾憎。」
王先生亦稱對阿倫印象改變。

王先生亦稱對阿倫印象改變。

鍾意就快D Share啦!
Related Posts Plugin for WordPress, Blogger...