掃呢頁CODE去手機

2019年7月3日 星期三

【97結婚至今】歐錦棠萬斯敏黑面拍拖 真係50年不變? __,歐錦棠,

馬上成為壹會員會員專區只限會員閱讀會員註冊/登入歐錦棠同老婆萬斯敏雖然一齊行街,但男嘅有啲黑面,女嘅神不守舍,仲前後腳添,唔通夫婦二人有啲嗌烚?佢兩公 ...


馬上成為壹會員
會員專區 只限會員閱讀


歐錦棠同老婆萬斯敏雖然一齊行街,但男嘅有啲黑面,女嘅神不守舍,仲前後腳添,唔通夫婦二人有啲嗌烚?

佢兩公婆只係啱啱睇完夜場電影有啲攰啫,話咁快就笑笑口傾偈啦,而且香港回歸幾耐,佢哋就結婚幾耐,愛足22年!要講50年不變嘅話,歐錦棠同萬斯敏肯定更可信,例如出名拼命三郎嘅歐錦棠做舞台劇曾經跌斷手,沖涼、著褲都係多得老婆照顧,出於愛。咁香港呢?靠自由行照顧,出於咩?沒有大陸照顧你們完蛋了!

講返歐錦棠兩公婆先,結婚咁耐膝下無兒無女,唔係佢哋唔想生,歐錦棠都恨做爸爸㗎,但講明要女唔要仔,如果係仔就唔理佢,難怪萬斯敏潑冷水話呢個就係唔生嘅原因,邊有得指定生男定女。

一向都關心香港政治情況,早前反送中亦有出聲表態嘅歐錦棠,無兒女債,會否更易完全放棄香港生活,移民他國?據聞佢真係有考慮移民英國,就算顧慮自己年紀唔細已經56歲,要重新適應環境同文化唔容易,但慶幸自己同老婆都係不斷學習嘅人,而且當自己仍有能力選擇時唔打算一下,以後就更加難講。

立即下載APP,精彩內容壹手掌握

下載連結: http://bit.ly/Next29App

如對會員訂閱制有遇到任何問題或意見,你可以致電 2623 9985,或電郵聯絡客戶服務主任cs@nextdigital.com.hk,我們定當盡力協助!


鍾意就快D Share啦!