掃呢頁CODE去手機

2019年7月6日 星期六

黃翠如:翠如失手洩春光 蕭正楠唱情歌冧番 __,蕭正楠,黃翠如,

翠如乜咁唔小心呀?藝人黃翠如和老公蕭正楠夫妻檔到銅鑼灣出席活動,與觀眾大玩遊戲之餘,蕭正楠更即席唱歌,以《夏日傾情》送給太太,認真sweet爆,而翠如 ...


翠如乜咁唔小心呀?


藝人黃翠如和老公蕭正楠夫妻檔到銅鑼灣出席活動,與觀眾大玩遊戲之餘,蕭正楠更即席唱歌,以《夏日傾情》送給太太,認真sweet爆,而翠如俯身時更不慎春光乍現。

談到老公歌藝,翠如笑謂:「佢好鍾意喺超級市場,跟住人哋播放嘅音樂唱歌。」問蕭正楠可有試過用情歌冧爆太太,他笑答:「喺峇里島舉行婚禮嘅時候,因為有live Band,我就唱咗張國榮嘅《為妳鍾情》,係真正嘅第一次。(翠如感動到喊?)喊嗰個其實係曹永廉,身為伴郎嘅佢嗰晚好似好唔開心咁,揸住個咪講感言又喊,好似冇咗我一樣。」

翠如更踢爆阿廉影相要站在中間!蕭正楠即打趣:「差啲要斟埋茶畀佢飲,不過佢又冇準備金器喎。」翠如則表示:「佢哋兩個近排合作拍劇,老公對住佢多過對住我。有日佢哋兩個拍咀戲,老公好緊張咁問我攞漱口水,以前佢同女同事拍親熱戲都冇試過。」蕭正楠即乘機耍花槍:「漱口水係攞畀佢用,我個口唔臭你知㗎。」

他又投訴翠如唔黐家:「我係有『雀』嘅雀仔,而佢係冇『雀』嘅雀仔,去完韓國又去馬來西亞探契仔,嚟緊又同洪永城去澳洲,成個七、八月我都見佢唔到。」活動上發現蕭氏夫婦沒有戴婚戒,蕭正楠表示:「因為呢個係我拍戲嘅角色造型,有時拍嘢戴戒指唔係咁方便,而翠如因為手指骨幼,好容易整跌戒指。」記者笑言叫蕭正楠買有分量的鑽石戒指送給太太,應該不易弄失,翠如即謂:「咁要試吓喇。」蕭正楠又透露早前跟阿廉在中環,拍了一場在電車路上大解的戲份,他們更要着肉色貼身褲上陣,感到好尷尬。

---------------

立即參加「賞您睇」:http://bit.ly/2JWKULh

Click下面粒掣,儲on.cc coins!機票、家電、超市禮券、過萬份獎品等緊你。




來源 source: http://hk.on.cc
鍾意就快D Share啦!