掃呢頁CODE去手機

2019年7月14日 星期日

【反紅媒】馬國明上台被示威者噓爆 現身不足兩分鐘由警方護送離場 __,馬國明,

 (攝影:陳慧安)
反送中遊行示威遍地開花,有網民不滿無綫新聞報道偏頗,發起「反紅媒」圍TVB商場騷,馬國明今日到紅磡出席活動,逾百示威手持反無綫新聞標語到場大叫口號,活 ...


反送中遊行示威遍地開花,有網民不滿無綫新聞報道偏頗,發起「反紅媒」圍TVB商場騷,馬國明今日到紅磡出席活動,逾百示威手持反無綫新聞標語到場大叫口號,活動開始前,馬國明在後台接受傳媒訪問,後台範圍都佈滿圍板,市民在中央位置大嗌口號,當發現馬國明在後台時,示威者即手持標語到後台附近大叫口號,大會惟有開大音樂,原有部份電子傳媒因為示威者叫口號,訪問被迫腰斬,而馬國明做完訪問後返回帳幕內休息。

相關新聞:【反紅媒】無綫主播金盈維穩被圍剿 寸爆叫網民去讀新聞系做記者



後台有3個保安守衛,留意現場環境,大會一度商討是否繼續舉行活動;而活動開始,場內人士拍手歡呼,但場外示威者繼續叫口號「無綫新聞 出賣港人」,公關指暫時不讓馬國明上台,但都要看看陣間情況再作決定。



結果延遲至2時40分,馬國明終於上台,所有示威者勁噓。馬國明在儀式後落台並返回後台,他全程表現輕鬆及面帶笑容,現場示威者繼續勁噓,及將示威牌推向馬國明方向,並大叫「無綫新聞,出賣港人」口號,而據大會透露,已經報警,而之後示威者轉口號大叫「袁志偉下台」。原來後台有部升降機可以直落停車場,入面已經有警察同保安,撳實部電梯,等馬國明離開,保安用一塊圍欄擋着馬國明與示威者之間,護送他搭電梯離開。馬國明上台時間不足兩分鐘,而他在警方護送下離開之後,示威者都陸續離開。

相關新聞:【反紅媒】馬明活動保安嚴陣以待 逾百示威者現身高呼「無綫新聞,出賣港人」



而馬國明在活動前於後台接受傳媒訪問,被問到怕不怕人身安全受威脅?馬國明說:「我又冇擔心,坦白講,我都係打工仔啫,上次屯門DSE嗰個活動,大會話取消咪取消囉,其實我都以為今日個活動都會取消,但係經理人就話會繼續,我都係打工啫,老闆叫我嚟咪嚟囉,一切都係大會安排啦,大會覺得許可嘅,就會繼續,呢啲嘢唔係我去決定,係大會決定。」問到如果他現身後遇上有人示威或衝擊的話會怎麼辦?馬國明說:「我聽佢哋(商場)講就話會有安排嘅,我覺得最重要係安全,因為今日都有啲小朋友喺度,最緊要保住啲小朋友嘅安全。」



講到網民近日發起「反紅媒」行動,作為無綫當家小生的馬國明會否向公司反映一下?馬國明說:「呢啲都係公司嘅安排,我唔方便講太多。」會否叫新聞部回應港人的訴求?馬國明說:「都係等公司嘅決定,因為我哋唔可以代表新聞部講嘅,其實我好明白有啲人對某啲事不滿,我生活喺香港都有嘢不滿啦,其實每個人都有難處。(你有啲咩不滿?)哎呀,唔好提喇。」問到示威活動會否影響到工作,馬國明謂:「其實就冇嘅,我之後就拍劇喇。(可能會影響到啲人搵外快嘅機會……)呢個唔可以考慮得太多,因為搵錢都係其次,最緊要係安全,錢財都係身外物啫。」



採訪:黃曉妍

攝影:陳慧安

-----------------------------

【每周送10萬】

升級壹會員獨家尊享,立即參加10萬火急大抽獎!

*推廣生意的競賽牌照號碼:52302-9

-------------------------------

錶迷必讀!

89頁腕時計電子書 66款嚴選年度新錶

https://hk.adai.ly/e/v7jEA0MC1X



馬國明上台時神情輕鬆,不過台下示威者呼聲震天。 馬國明上台時神情輕鬆,不過台下示威者呼聲震天。
近百示威者到場反紅媒,高呼「袁志偉落台!」等口號。

近百示威者到場反紅媒,高呼「袁志偉落台!」等口號。
馬國明接受訪問時,示威者亦有舉牌。

馬國明接受訪問時,示威者亦有舉牌。
有示威者索性將標語摺作紙飛機,掟向場內。

有示威者索性將標語摺作紙飛機,掟向場內。
示威者積極反紅媒以表不滿。

示威者積極反紅媒以表不滿。
最終馬國明由保安護送到後方一個升降機內。

最終馬國明由保安護送到後方一個升降機內。
繼而由警方護送離開,馬國明離開時仍面帶微笑。

繼而由警方護送離開,馬國明離開時仍面帶微笑。

鍾意就快D Share啦!