2019年7月19日 星期五

葉璇:上周仲話非小默不嫁!揭葉璇離奇分手之謎 __,葉璇,

葉璇同小默先生離奇分手!藝人葉璇與內地男友「小默先生」拍拖4年,期間多次傳出分手,本月8日她接受東網專訪時否認傳聞,言語間更表現得如沐春風!豈料昨日( ...


葉璇同小默先生離奇分手!


藝人葉璇與內地男友「小默先生」拍拖4年,期間多次傳出分手,本月8日她接受東網專訪時否認傳聞,言語間更表現得如沐春風!豈料昨日(18日)竟突然爆出二人於本月14日閃電分手,事情峰迴路轉,耐人尋味。

葉璇在港接受東網專訪,談到與「小默生先」的關係仍未見異樣,表現如沐春風,全無分手先兆,還大讚他是暖男:「佢見識廣博、好有智慧,教識咗我好多嘢。我哋一齊住,每朝佢比我早起床,煮早餐畀我食。我哋兩個人相處,我唔介意畀佢知我愛佢,同埋我會變小鳥依人。」對於經常傳出分手消息,她說:「感情係兩個人之間嘅事,唔需要透過第三者嚟認同自己嘅感情生活。」又指這段戀情的萌芽期,男方為她改變很多:「佢同朋友之間好少講嘢,食飯都唔出聲。但佢為咗追我,改咗沉默寡言嘅性格,識咗我之後佢成日打電話畀我,令我好感動。」又透露有次在嚴寒天氣下病倒,男友揸長途車找她,卻遇上車禍:「佢搵到我時,不禁流出眼淚,就係咁打動到我!」總之拍拖期間,男友對她照顧得無微不至:「有時天氣寒冷我要開早班,佢會提早起身開暖水畀我用。」

雪卵為生育做準備

當日問她是否已婚時,葉璇表示已認定對方為終身伴侶,會與他一直走下去:「不如你當我結婚啦,依家同結咗婚都冇分別。」但提到她已雪卵,是否準備隨時做母親?她只說不排除可能性:「我性格獨立,以前讀科學,就算做母親都會搵代母,我唔覺得需要去體會做母親過程,去承傳孕育下一代。」

惟訪問至分手相距不足一星期,事件峰迴路轉,相信其中一個原因是雙方也熱愛工作,受訪當日葉璇曾表示:「呢幾年都有做編劇工作,依家有同中國電視劇編劇協會工作,將會有排忙。」

---------------

立即參加「賞您睇」:http://bit.ly/2JWKULh

Click下面粒掣,儲on.cc coins!機票、家電、超市禮券、過萬份獎品等緊你。




來源 source: http://hk.on.cc
鍾意就快D Share啦!
Related Posts Plugin for WordPress, Blogger...