掃呢頁CODE去手機

2019年7月28日 星期日

【受過傷聰明咗】失婚陳逸璇渴望愛 首選踏實港男組織家庭 __,陳逸璇,

 (攝影:沈健程、廖達燊)
陳逸璇(Jolie)早在二十出頭時簽約環球唱片正式出道,當時為2004年,轉眼十多年後今天的她仍是環球歌手,但其間Jolie經歷過解約轉行做保險、跟墨 ...


陳逸璇(Jolie)早在二十出頭時簽約環球唱片正式出道,當時為2004年,轉眼十多年後今天的她仍是環球歌手,但其間Jolie經歷過解約轉行做保險、跟墨西哥籍丈夫結婚再離婚、然後又成為爵士樂團女主音,到去年才再度重簽環球。她形容自己人生兜了個大圈,終於在今年推出新歌《短暫的新分》,彷彿呼應著過去的一段不太成功的婚姻,這日Jolie在九龍塘接受《蘋果》訪問,談談為何第一支回巢歌就挖自己瘡疤。



歌曲由Eric Kwok和林若寧撰曲詞,這組合原來亦是Jolie初入行的合作班底,婚姻為主題是Eric提議,Jolie承認離婚初期的確不想多提:「唔想講係因為始終係一件心痛嘅事,似一個烙印咁。行返出嚟需要好大勇氣同好多人支持,既然有機會都想做一隻有意義嘅歌幫大家療傷,同時畀少少支持一啲經歷緊同樣事情嘅人。」Jolie回憶婚姻結束初期完全沉溺在傷心,每日以淚洗面,但這階段早已過去:「其實計吓已經係4年前嘅事,我相信每個人作出離婚決定時都經過好多思想掙扎,結得婚點會想離婚?必定係試過好多唔同方法去挽救,到真係做決定一定係好狠心好絕。」



事實上Jolie直言問題早在結婚初期已出現:「基本上一結婚就出問題,段婚姻維持咗兩年幾,但我考慮離開已經考慮咗兩年,當時我真係用全力希望挽救。」最大的問題源於文化差異和價值觀不同,Jolie表示:「結得婚當然係想建立一個家庭亦想要小朋友,但可惜喺呢個男人身上見唔到佢想承擔婚姻責任,我真係睇唔到,所以好難行落去,而且佢屋企喺美國我係香港,大家基礎上好唔同,香港男仔唔使講佢都知做老公嘅責任,但可惜喺佢身上見唔到,結果無奈地要分開。」



Jolie直認當時太快做決定:「我都認自己係衝動,覺得戀愛大過天,我愛佢就得㗎喇,所有嘢都聽唔到睇唔到。事後我有問番爸爸媽媽,當時點解你哋見到有問題唔講?點知佢哋話『你會聽我哋講咩?你由細到大都唔聽㗎』所以決定離婚後最擔心就係點同爸爸講,我唔想令佢失望,覺得我冇用、任性,到我鼓起勇氣講嘅時候爸爸竟然話『你都算勁,捱咗兩年半,如果你半年唔夠就同我講可能未必會支持。』 亦因為有佢哋嘅支持我知道一定可以捱過。」雖然經歷失敗但她坦言仍對愛情有所憧憬:「始終我都係一個鍾意戀愛嘅女人,仍然希望會有自己嘅家庭同小朋友,唔會因為受過傷就驚咗,但一定會小心咗,懂得要聰明去愛。」



至於何謂聰明去愛?Jolie有以下一番見解:「我諗首先一定係揀返香港男仔先,以前可能覺得對方總之高大靚仔就咩都得,而家就要諗對方要踏實、有責任感同愛我,又要愛錫屋企。拍拖唔同結婚,講緊要圍繞住兩個家庭,我以前係任性衝動,所以見過鬼仲唔怕黑咩?但以前嗰個又真係鬼嚟㗎喎,哈哈!」外國月亮是否特別圓?相信無人能答,但起碼從Jolie口中可確定,外國男士普遍靚仔那怕吊兒郎當,至於港男,Well……都是努力工作賺夠錢買樓才可望脫貧脫毒!



採訪:曹家誠

------------------------------

【每周送10萬】

升級壹會員獨家尊享,立即參加10萬火急大抽獎!

*推廣生意的競賽牌照號碼:52302-9



-------------------------------

錶迷必讀!

89頁腕時計電子書 66款嚴選年度新錶

https://hk.adai.ly/e/v7jEA0MC1X



(攝影:沈健程、廖達燊)  Jolie初出道加入環球唱片,經過15年兜轉,離開再回來。 Jolie初出道加入環球唱片,經過15年兜轉,離開再回來。
 Jolie新歌《短暫的新分》講婚姻,是由Eric Kwok提議。

Jolie新歌《短暫的新分》講婚姻,是由Eric Kwok提議。
 Jolie承認與墨西哥籍前夫的一段婚姻,相當衝動。

Jolie承認與墨西哥籍前夫的一段婚姻,相當衝動。
當初離婚獲父母支持,令Jolie有信心可以捱過逆境。

當初離婚獲父母支持,令Jolie有信心可以捱過逆境。
 Jolie學識聰明去愛,首要條件是要揀香港男仔。

Jolie學識聰明去愛,首要條件是要揀香港男仔。
Jolie在2012與前夫結婚,可惜未能走到最後。(資料圖片)

Jolie在2012與前夫結婚,可惜未能走到最後。(資料圖片)
 (資料圖片)

(資料圖片)

鍾意就快D Share啦!