網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2019年7月11日 星期四

女粉彈出許廷鏗喊驚! __,許廷鏗,

女粉絲從袋中彈出來,嚇到許廷鏗縮都縮唔切。
女粉彈出許廷鏗喊驚!「華納一哥」許廷鏗(Alfred)近期工作忙到壓力爆煲,三位女粉絲透過《我和星星有個約會》為偶像減壓,潮玩禮物開箱送驚喜打氣,初時 ...


女粉彈出許廷鏗喊驚!

「華納一哥」許廷鏗(Alfred)近期工作忙到壓力爆煲,三位女粉絲透過《我和星星有個約會》為偶像減壓,潮玩禮物開箱送驚喜打氣,初時他收到禮物歡喜若狂,豈料打開最後一個紅白藍膠袋,竟然跳出一名Cosplay女粉絲,嚇得他即場大呼:「好驚驚!」

31歲許廷鏗過檔唱片公司後,工作忙個不停。三位女粉絲琪琪、Charlotte及YoYo決定自告奮勇,倣效網上流行玩意「開箱」,每人事前準備三份意想不到的禮物,為偶像無限放送驚喜。打頭陣的YoYo蠱惑先送喉糖,隨後附送靚女相,望真原來是Alfred好友鄭欣宜,他忍不住笑言:「好震撼呀,娛樂圈真係!」幸好YoYo早有準備,拿出親手畫的Q版Alfred補數,逗得喜歡畫畫的他開心不已。

「呢啲袋好驚」

輪到Charlotte出場,其禮物完全令Alfred喜出望外,第一份是訓練手指學琴和結他的工具。她為了表現誠意與心思,故意在盒內上層放口罩遮住,盒底加送兩包紙巾,連Alfred都讚包裝「別出心裁」。最搞笑是Charlotte自製一張演唱會門券,並寫上「許廷鏗講大話甩大牙演唱會2020」,令偶像笑到流眼水說:「呢個二次創作好正。」至於全日最大感動位,是Charlotte送上的入紙式音樂盒,她將偶像名曲《青春頌》親手打窿製成琴譜,Alfred見狀愛不釋手,即場隨着音樂唱歌。

Charlotte(右起)、琪琪及YoYo送上「多箱」禮物,許廷鏗即場逐箱拆。
  • Charlotte(右起)、琪琪及YoYo送上「多箱」禮物,許廷鏗即場逐箱拆。
粉絲送奇異果給許廷鏗潤喉。

  • 粉絲送奇異果給許廷鏗潤喉。
許廷鏗拿着入紙式音樂盒細心研究,更隨着音樂唱歌。

  • 許廷鏗拿着入紙式音樂盒細心研究,更隨着音樂唱歌。
Charlotte叫許廷鏗畫畫送給妹妹。

  • Charlotte叫許廷鏗畫畫送給妹妹。

壓軸之最可算琪琪的「悉心」安排,全程驚嚇度十足!第一份禮物是「白紙」一箱,入面是一大堆Alfred至愛食物,餵飽他後再遞上一部電話,如果以為送電話就大錯特錯,其實是送電話入面的一首歌,是其一位愛唱歌但又怕醜的粉絲所唱。當拆到第九份禮物,琪琪叫他行出房外接收,Alfred發現一個紅白藍大膠袋已心知不妙,不停口震震問:「呢個咩嚟o架?呢啲袋好驚!」伸手摸完一輪,才鼓起勇氣打開,竟然彈出一名Cosplay女粉絲,他失控大呼:「嘩!我好驚!頭先摸緊嗰個原來係你個頭,真係嚇一嚇我,唔好搵呢啲嘢嚟玩好唔好!」

讚禮物有心思

睇完三位粉絲的禮物,要Alfred揀邊份最有心思,他想了很久才選Charlotte的音樂盒,並畫畫做回禮。事後Alfred大讚活動好玩:「中間有啲好搞笑嘅畫面,都有幾感動嘅畫面,冇諗過追隨我好耐嘅朋友,到今時今日都會花咁多心機去為我準備驚喜,雖然有部分係驚多於喜。」






鍾意就快D Share啦!