2019年7月7日 星期日

【引渡惡法】黃耀明上街延續起義動力 王宗堯讚遊行遍地開花 __,王宗堯,黃耀明,

攝影:仇志德
香港人在上個月連續抗爭,為自己城市發聲,黃耀明及王宗堯等藝人多次上街,今日有人發起7.7九龍大遊行,記者在人群中仍見到兩人身影。相關新聞:【引渡惡法】 ...


香港人在上個月連續抗爭,為自己城市發聲,黃耀明及王宗堯等藝人多次上街,今日有人發起7.7九龍大遊行,記者在人群中仍見到兩人身影。

相關新聞:【引渡惡法】傳媒打格保護弱勢?學者:難有絕對準則惟「不做加害者」



黃耀明今日參與九龍區遊行,他接受《蘋果》電話訪問說:「目的好明顯,同所有香港人一樣,繼續將呢個6月份起義動力伸延落去,唔好畀佢停。」今日見到九龍區市民遍地開花,明哥說:「開心嘅,冇覺得攰,好多社會運動裏面,好似韓國朴槿惠下台,都係連續十幾個禮拜出嚟集會同遊行,先得到最後政權落台,所以希望大家千祈千祈唔好覺得攰,攰嘅時候唞一唞,另一班人上,下一個禮拜再嚟過。」



對於連串反惡法遊行,但政府依然漠視市民訴求,明哥說:「我覺得林鄭已經龜縮咗,只係得下面官員出嚟,林鄭已經匿埋喺禮賓府,好似已經係冇管治狀態,香港人繼續做大家諗到做嘅嘢,繼續上街,繼續抗議,話畀世界知香港人正面對嘅嘢,而呢樣嘢係會影響到全世界嘅人,無論你係喺香港投資嘅商家或過境嘅旅客,最後都會受影響,一定要話畀大家知道。」

相關新聞:【花生蘋台】港人點解爆「逆權六月」 北京係扮唔明定真唔明?



至於抗爭運動至今已有4人輕生,明哥說:「當然我覺得係傷感,大家真係唔好隨便去諗呢樣嘢,其實每一個生命都係非常之重要,輕生反而削弱咗我哋嘅力量,站在一齊!」對於日前譚詠麟、鍾鎮濤、梁家輝等出席撐警集會,明哥說:「我覺得可能佢哋唔知道真相,我呼籲我哋嘅同行或香港人,應該要睇清楚現實,睇清楚真相嘅全部,唔好畀人哋send一、兩張圖或message,你就妄下斷語,100、200萬香港人出嚟,唔通咁多香港人,你哋覺得佢哋係錯咩?」



做完電話訪問後,下午6時許,《蘋果》在近西鐵站見到明哥,他今天仍然穿上大愛同盟的黑色T恤到場,講到首次在九龍區遊行,他說:「我印象中係第一次,不過呢個決定係啱嘅,我覺得要遍地開花。」講到有人申請了下星期在沙田區舉行遊行,他說:「見到呢個現象,最緊要係大家互相幫忙,有啲咩事就搵其他人去幫手,我哋係絕對有夠嘅力量嘅,大家要儲夠能量先至可以令到佢聽到我哋嘅訴求。」



提到近日社會氣氛不佳,問明哥最近有沒有試過有失望或氣餒的情緒,他說:「其實喺一個咁樣嘅香港,係好容易氣餒或失望嘅,但係自己好好彩,身邊有啲朋友好似一個支援小組咁樣,互相幫忙,覺得抗爭者之間都需要一個好似咁樣嘅朋友圈互相幫忙,同埋而家民間都有好多志願支援團體,大家有咩需要即管嗌出嚟,千祈唔好收埋,有啲咩都要講。」



講到何韻詩等人成立了一個人道組織,明哥說:「其實我就冇直接去參與,有好多人去監察同支援嘅,不過我哋個facebook上都會有轉載,嚟緊會有更多無論係法律上或心理上或情緒上嘅一啲幫助,大家可以去我哋嘅facebook嗰度睇,希望喺唔同嘅社交網站度得到呢啲資訊,去支持大家。」



此外,王宗堯繼續站在前線,積極參與7.7九龍大遊行,記者今午在尖沙嘴半島酒店外對出發現王宗堯身影,他接受訪問談到首次參與九龍區大遊行,他說:「呢個地方以前好似被人霸住咁,平時冇乜香港人,自己冇必要都唔嚟,今日可以慢慢行尖沙嘴呢個地方,我都未去過高鐵站,順便去睇下。」



他表示經過大台時,聽到原本警方只讓市民在行人路上遊行,但好快就開了六條行車線,感覺又遍地開花。談到有人發起下星期在沙田遊行,他指亦有所聞:「我發現18區湧現好多香港人出嚟,大家行嘅時候會報以微笑,呢樣係某種香港人嘅精神。」



對於最近接二連三有年輕人輕生,王宗堯自言很關心這些事情,之前看到杜汶澤開直播尋人,好多市民自發性去幫手,希望市民亦懂得自發性減壓或求助一些心靈小組。



問到有沒有fans傳訊息給他表達有不開心或壓力問題?王宗堯說:「冇收到呢啲電話,希望大家唔好灰心,當然每個人都會有勞累或者瞓唔着嘅時候,返到屋企就睇新聞,會有覺得好灰嘅時候,或者都可以適時放鬆約朋友食飯,可以感受身邊人嘅溫暖,因為要知道每個一齊行嘅人有共同信念。」



他又分享了遊行期間遇到的有趣事:「好搞笑,遊行途中都會有幽默嘅地方,有個伯伯回收垃圾,聽到佢大嗌『有冇林鄭?』呢啲小幽默小溫暖可以令到大家放鬆一下。」



攝影:仇志德 7.7九龍大遊行今日於尖沙嘴舉行。 7.7九龍大遊行今日於尖沙嘴舉行。
記者今午在尖沙嘴半島酒店外對出發現王宗堯身影。

記者今午在尖沙嘴半島酒店外對出發現王宗堯身影。
王宗堯說:「覺得好灰嘅時候,或者都可以適時放鬆約朋友食飯,可以感受身邊人嘅溫暖。」

王宗堯說:「覺得好灰嘅時候,或者都可以適時放鬆約朋友食飯,可以感受身邊人嘅溫暖。」
 黃耀明希望香港人不要放棄,但疲倦時要唞一唞。

黃耀明希望香港人不要放棄,但疲倦時要唞一唞。

鍾意就快D Share啦!
Related Posts Plugin for WordPress, Blogger...