13年落選港姐朱智賢憑32C上圍被封新咪神，17年已被爆因為搭上屋企有米的「巨聲幫」謝東閔而撇甩中環開餐廳的圈外男友Derak，貪新忘舊的朱智賢還恨嫁，被爆拍拖大半年已向謝東閔逼婚。讀者Sammi日前透過《蘋果》的「爆相爆片」，分享了素顏朱智賢融入謝家，跟謝東閔家人一齊吃飯。
當晚8時許，讀者Sammi在屯門一間吃燒肉的餐廳外發現謝東閔先跟家人在等位，不一會就發現戴着帽和穿工人牛仔褲的朱智賢出現，她當日更是素顏出動，當一行人進入餐廳後，朱智賢就脫下帽子，顯得頭髮蓬鬆，如同剛睡醒沒梳頭，衣着又平凡，跟平日打扮靚靚出鏡大有出入，坐在謝東閔身邊的中年女人，疑似是其母。Sammi日前接受電話訪問時說：「當日見到朱智賢嚟到，同謝東閔等位期間，佢哋零交流，同行仲有一個約30歲嘅女人抱住個男童，同一個疑似工人姐姐，入座後，朱智賢算融入謝家，佢同謝東閔一家都有講有笑，我9點半離開時，佢哋仲食緊未走。」
朱智賢日前回覆傳媒時，直認跟謝東閔開餐，但她否認融入謝家：「唔係佢屋企人，我哋同朋友食。」朱智賢強調跟謝東閔只是普通朋友：「我哋住得近，有時間咪出嚟食吓飯，傾吓偈。唔係成日食，我呢排開劇都好忙。」讀者形容他們邊食邊傾談甚投契，朱智賢卻說：「唔通出嚟唔講嘢咩！」
-----------------------------
【每周送10萬】
升級壹會員獨家尊享，立即參加10萬火急大抽獎!
*推廣生意的競賽牌照號碼：52302-9
-------------------------------
錶迷必讀！
89頁腕時計電子書 66款嚴選年度新錶
https://hk.adai.ly/e/v7jEA0MC1X
| (讀者提供照片/Ig圖片) | | |
| | |
|
鍾意就快D Share啦！
|
|
|