掃呢頁CODE去手機

2019年7月20日 星期六

【失婚擔起半邊天】盧宛茵苦撐供三子女英國完成大學:拍劇賺嘅錢都寄晒俾佢哋交學費 __,盧宛茵,

66歲,人稱Madam的盧宛茵,88年決定跟前新聞王子何鉅華結束十二年婚姻。年輕時不愁生活,失婚後,一個女人撐起半邊天,辛辛苦苦供養三子女到英國完成大 ...




66歲,人稱Madam 的盧宛茵,88年決定跟前新聞王子何鉅華結束十二年婚姻。年輕時不愁生活,失婚後,一個女人撐起半邊天,辛辛苦苦供養三子女到英國完成大學。每一步都有汗有淚。

平日的盧宛茵,笑點低,不時聽到她招牌的笑聲。但稍一輕觸痛處,Madam總即淚灑滿臉。

曾經以為,婚姻如童話般完美,故22歲當紅時,她選擇引退結婚。

「當時好多嘢都無諗到咁detail。準備結婚時,老公叫我唔好工作,專心打理屋企,做全職家庭主婦,我又覺得無所謂,我成日都係本住嫁雞隨雞嘅觀念,就應承佢唔做嘢,所以當時都停晒所有工作。」

「發生呢啲事一定唔開心最記得當時一九八幾年,我係七幾年結婚嘅,婚姻出問題後我決定復出,接拍《季節》,關係破裂當然都醞釀咗一段時間。」慶幸有工作寄託,助她渡過最傷痛的時間。

「我做嘢好認真,工作時工作,入到廠就唔諗自己私人問題。但收工返到屋企就會好唔開心,嗰段時間情緒都好差,屬於低潮期。」婚姻不快,她主動找出口。

「既然相處有問題,日日喺屋企都唔開心,咁倒不如分開會比較好,唔通要成世人唔開心咩!」

離婚後,擔起三子女英國留學的開支,Madam:「膊頭跌晒落嚟。仔女去晒外國,我要留喺香港工作,無辦法,除咗應付佢哋讀書學費,我自己都要生活嘛!」至於前夫,Madam隻口不願提。

「我一直都面對現實,好多嘢都要堅強先撐得住,就好似有句詞語叫:『兵來將擋』,我就係抱住呢種心態,盡自己能力去做,山大斬埋有柴,所以拍劇有錢就會寄過去俾佢哋交學費。」 「例如朝早返去做完綜合性節目,下晝三四點入廠拍劇,試過咁樣。每日有三、四組,都維持咗幾年。

無時間瞓覺。我試過拍一套劇,連續三日,每日都係瞓個幾鐘。

講起都要好多謝TVB俾機會我拍劇,至少有一份工作,賺到嘅收入就可以俾佢哋交學費。」

回想見証子女大學畢業,內心百感交集的Madam,突變淚人。

「諗番我真係想喊!我好開心,能夠供佢哋讀書成才,個個大學畢業,有啲攻讀埋碩士課程。我能力做到就盡力做,生得佢哋出嚟,呢個就係我嘅責任。佢哋有時候要再進修,我話唔緊要,最重要努力讀書向上,需要再進修啲咩,即管去讀。」演活《鐵探》的慈母,因為現實中也是如此。 一頭銀髮的Madam,抹去淚水: 「而家嘅髮型係阿女幫我設計嘅,我可以慳好多錢之餘,因為髮型係佢幫我剪。」

就像女兒倒來照顧她。「係呀,真係好溫馨,我開聲叫佢幫我修短一下,佢就會幫我整。」 Madam搖著頭:「我唔相信愛情。可能因為我嘅性格,我覺得係無可能,啲人話天長地久,對我嚟講係一件不可能嘅事,如果做到真係好困難,可能有時候係女人忍受男人,我覺得大多數都係女人忍受男人。

我本身係一個遇到唔開心,就會諗辦法解決嘅人,唔會迫自己勉強落去,因為咁樣會好辛苦。

人生無幾多個十年,我點解要咁辛苦,忍完十年又十年,到時都年紀大不如趁年輕自己有能力,咪自己出去賺錢生活,我覺得無問題,最緊要揸定主意,唔想再繼續受罪、辛苦落去。譬如你對我好唔緊要,我咪同你一齊捱,咁捱得嚟係開心嘛!但如果唔開心,就算你俾幾多錢我,都係咁話!」雖然失婚後不再驚動愛情,但至少單身的她,三十年過得開心。

採訪:Sukey Lo

攝錄:蕭敬漁

攝影:Ip Ka Wing

化妝及髮型:毛毛(嫁妝) 詳情:http://bit.ly/2YBCug0

鍾意就快D Share啦!