掃呢頁CODE去手機

2019年7月7日 星期日

【報警求助】《東張》阮嘉敏突擊採訪嚇喊姑娘 動物醫生投訴無綫滋擾 __,無綫,阮嘉敏,

右圖攝影:林賓尼/中圖:讀者提供圖片 左圖:IG圖片
無綫節目《東張西望》最近好多是非,昨日外景主持林泳淘採訪光復屯門公園行動時,被示威人士指罵,有人高叫「滾回大灣區」,她嘗試解釋團隊不是無綫新聞,而是《 ...


無綫節目《東張西望》最近好多是非,昨日外景主持林泳淘採訪光復屯門公園行動時,被示威人士指罵,有人高叫「滾回大灣區」,她嘗試解釋團隊不是無綫新聞,而是《東張西望》,可惜最後亦被驅趕離場。



《蘋果》昨日亦收到讀者袁小姐「爆相爆片」報料,指在昨日下午4時半,於西環一間動物診所見到《東張西望》主持阮嘉敏偷拍,袁小姐稱:「佢(阮嘉敏)同另一個黑衫女人一齊入嚟,話幫朋友問,隻貓做完手術後死咗,但醫生唔見佢。我唔係太理解件事,但佢哋態度好乞人憎,有個黑衫女人拎住部iPhone係咁好近影住reception個姑娘,佢(個姑娘)驚到唔知點反應,走返入去喊,然後有個高級少少嘅女人出嚟,最後診所就報埋警,而對面馬路好似一直有人偷影緊。」袁小姐表示當時自己帶住貓貓求醫,貓貓亦受驚,事件擾攘約一小時,《東張》才收隊離開。



今日記者到上址動物診所了解,負責人嚴醫生確認有報警,她表示不滿《東張西望》的採訪手法,將以公司名義向無綫反映事件,她說:「我哋有報警,我形容係有少少滋擾成份嘅採訪,有啲貓嚇到尖叫,佢哋離開後,出到門口喺玻璃都繼續拍攝,想佢哋探討番呢種做法正唔正確。」嚴醫生稱《東張》派出兩男兩女進行採訪,但事前未得允許,突然有兩部iPhone近距離拍攝當值姑娘,她說:「姑娘俾佢哋嚇到喊,另一位資深姑娘行出去問『請問你哋有冇問准拍攝?』佢哋承認冇,仲笑住話『喂,你驚iPhone呀?』我哋都有要求刪片,佢哋口頭上話delete,但最終都要返公司先。事後我哋都有安撫嗰位姑娘,希望唔好影響工作。」



問到是否有寵物主人向診所作出投訴?嚴醫生說:「之前係有客人查詢過,我哋都有畀番醫療紀錄,其實如果對我哋呢度嘅醫療過程有任何不滿,可以循正常途徑去獸醫管理局投訴,交畀一個持平機構講番個情況,至於今次病人(寵物)嘅問題,基於私隱係不便透露。」診所職員透露警方勸喻東張採訪隊離開,事件擾攘近1小時後才得以平息。



而阮嘉敏今日以短訊回覆傳媒:「不方便回應,謝謝。」至於警察公共關係科接受傳媒查詢,發言人則表示暫時未有收到有關求助。



右圖攝影:林賓尼/中圖:讀者提供圖片 左圖:IG圖片 阮嘉敏與《東張》到動物診所採訪,診所不滿報警求助。(讀者圖片提供) 阮嘉敏與《東張》到動物診所採訪,診所不滿報警求助。(讀者圖片提供)
與阮嘉敏同行的黑衫《東張》人員,疑用手機近距離影住姑娘。(讀者圖片提供)

與阮嘉敏同行的黑衫《東張》人員,疑用手機近距離影住姑娘。(讀者圖片提供)
嚴醫生稱不滿《東張西望》採訪手法,會以公司名義向無綫反映事件。

嚴醫生稱不滿《東張西望》採訪手法,會以公司名義向無綫反映事件。
曾有網民批評阮嘉敏在採訪時衣着太過暴露,質疑節目似「色情節目」。(無綫電視截圖)

曾有網民批評阮嘉敏在採訪時衣着太過暴露,質疑節目似「色情節目」。(無綫電視截圖)
(無綫電視截圖)

(無綫電視截圖)
阮嘉敏是《東張》小花,樣靚身材正,一直深得不少男網民的喜愛。(IG圖片)

阮嘉敏是《東張》小花,樣靚身材正,一直深得不少男網民的喜愛。(IG圖片)
(IG圖片)

(IG圖片)

鍾意就快D Share啦!