掃呢頁CODE去手機

2019年7月5日 星期五

陳法拉:婚後首現身!陳法拉老公以國語發表愛的宣言 __,陳法拉,

陳法拉婚後首次現身活動。藝人陳法拉五月於巴黎與男友EmmanuelStraschnov結婚,今日她於婚後首次出席公開活動,台上她多次表示新婚生活很開心 ...


陳法拉婚後首次現身活動。


藝人陳法拉五月於巴黎與男友Emmanuel Straschnov結婚,今日她於婚後首次出席公開活動,台上她多次表示新婚生活很開心,於法國結婚時就如旅行般,現時已回到正常生活,丈夫於紐約工作,而她照舊拍戲,於香港、紐約兩邊走。說到婚禮上老公有否說愛的宣言,法拉說:「食飯時佢話要講段說話,我初時以為佢同大家講,但佢用國語同我父母講,意思大約係會照顧我,對我好,我冇諗過佢會當眾咁講,所以好感動。」她又指婚宴上父母好開心,更有跳舞,她謂:「第一次見我爸爸跳舞,我媽咪係跳舞老師,當時佢跳到拱晒橋、扭腰,仲瞓晒地。」她表示不會在港補擺酒,問到有否被父母催生B,她謂:「過吓二人世界先,依家計劃緊度蜜月,大概十二月想去南極、南美洲咁!呢啲第日帶唔到小朋友去。」昨日她沒有戴婚戒,笑言自己專業,免得搶了手錶活動風頭。問她婚後是否習慣,她謂:「都習慣,因為拍咗拖三、四年先結婚,都習慣咗一齊生活,所以冇乜好大嘅轉變,只係有時改唔到口叫老公,仲係叫男朋友。」

她又透露下個月都在港拍攝一部新導演的電影,由於只屬客串,故時間很短,問如果長時間會否叫老公一齊返來時,她謂:「佢話好鍾意亞洲,而且又識講國語,有時都問我有冇機會喺亞洲工作,想跟埋我返嚟亞洲生活吓。」

---------------

立即參加「賞您睇」: http://bit.ly/2JWKULh

Click下面粒掣,儲on.cc coins!機票、家電、超市禮券、過萬份獎品等緊你。




來源 source: http://hk.on.cc
鍾意就快D Share啦!