2019年7月10日 星期三

旗下藝人貝依霖被指「藍絲」 杜汶澤拍片向觀眾解釋 __,杜汶澤,

upload_article_image
旗下藝人貝依霖被指「藍絲」杜汶澤拍片向觀眾解釋2019年07月09日(05:45下午)杜汶澤:「佢(貝依霖)未必係藍絲嚟,佢見到啲咩嘢覺得不滿就出聲。 ...


旗下藝人貝依霖被指「藍絲」 杜汶澤拍片向觀眾解釋





杜汶澤:「佢(貝依霖)未必係藍絲嚟,佢見到啲咩嘢覺得不滿就出聲。」

反修例事件引發連串社會爭議,有部分藝人表示支持示威者,亦有不少藝人發聲支持警方執法。杜汶澤公司旗下的女藝人貝依霖(Chantale)日前在社交網站上因發表疑反對示威者等相關言論,因而被網民標籤為「藍絲」,更質問杜汶澤:「杜先生,你應該好明白你嗰台嘅觀眾係咩人,點解可以一路笑騎騎同咁嘅人合作?」更表示如若不開除貝依霖,將會罷看其網台。

貝依霖日前在社交網站上因發表反對示威者等相關言論,因而被網民標籤為「藍絲」。

杜汶澤於今日(9日)在其網台上載一段約20分鐘名為「小杜消息」的短片向觀眾解釋事件。片中杜汶澤讀出一堆貝依霖於社交網站發表的言論,當中有罵示威者、亦有罵撐警人士、更有罵網民的言論,杜汶澤指:「佢未必係藍絲嚟,佢見到啲咩嘢覺得不滿就出聲。」

網上圖片



網上圖片



對於有網民指:「杜汶澤人格有問題,條女政治立場佢根本唔care,最緊要畀你班咸濕仔J,佢就有錢賺。」杜汶澤回應:「我好想講,係咪而家呢個社會就係你要迫佢去表態,佢唔表態就係有嫌疑,如果佢係藍絲我哋就唔用得佢?」

網上圖片



杜汶澤續指,Chantale是他們公司的「開國功臣」,「炒咗佢我咪不仁不義?」杜汶澤又說道:「我覺得,係咪真係要去了解下件事先呢?係咪真係要了解下Chantale,到底係點諗?如果佢係唔知嘅,我係咪應該畀多啲資訊佢知,等佢了解下,檢討下自己如果啲嘢跟得唔貼,係咪應該唔好咁易下判斷?」

網上圖片



最後,杜汶澤強調:「我係開放討論嘅,我好想畀大家一個同我討論嘅空間,大家可以留言,我會每一個都睇,從而去睇返究竟我哋應該點樣去處理Chantale呢件事。」

網上圖片



對於杜汶澤出面回應,網民反應兩極,有人表示:「杜汶澤我支持嘅,不過貝依霖真係太離譜」,亦有人說:「杜汶澤都幾double standard(雙重標準)」。












鍾意就快D Share啦!
Related Posts Plugin for WordPress, Blogger...