掃呢頁CODE去手機

2019年7月26日 星期五

羅仲謙:【楊怡有怪癖】羅仲謙爆:佢好鍾意聞腳 __,楊怡,羅仲謙,

亂爆料好危險喎!藝人羅仲謙在星皓電影《小Q》中扮演導盲犬訓練員,戲內對犬隻相當愛護的他,私底下亦「愛犬成狂」。他4歲開始養狗,婚後與太太楊怡落力「湊仔 ...


亂爆料好危險喎!


藝人羅仲謙在星皓電影《小Q》中扮演導盲犬訓練員,戲內對犬隻相當愛護的他,私底下亦「愛犬成狂」。他4歲開始養狗,婚後與太太楊怡落力「湊仔」,並揚言會慎重考慮成為導盲犬寄養家庭,愛心爆棚!

阿謙與阿怡暫未有B,但其實早已躍升為「父母」,他說:「自己『仔女』梗係錫我本身有隻混種大狗,而阿怡就養咗兩隻小貴婦狗,點知狗仔每次見到大狗都會好惡咁叫,所以直至依家,佢哋幾兄弟都只可以隔住窗見面咋!」並自爆因太太關係,他與狗狗亦愈來愈親密:「依家我接受到同佢哋一齊瞓、錫錫咁,阿怡仲有個特殊癖好,就係索狗仔腳喇!搞到我間中都會聞吓佢哋嘅體味,覺得好得意。」但他踢爆太太從不入場欣賞以犬隻為題材的電影:「睇完個心會好唔舒服,不過今次因為我有份參演,所以佢破例一次。」

擬照顧導盲犬

談到新片,阿謙坦言:「可能接拍嘅時候冇諗咁多,但愈拍就愈了解得多,依家除咗想票房有佳績外,更希望喚醒社會責任,令大家明白導盲犬對視障人士嘅重要性。」接受與導盲犬相處的訓練時,他發現導盲犬較一般寵物聰明:「佢哋係工作犬,等同視障人士雙眼,但一般人可能對佢哋產生抗拒,搭車拒載、食肆其他食客會嫌佢哋有體味等等,好彩有正義之士為佢哋發聲。(考慮成為導盲犬寄養家庭?)真係有諗過,可行嘅情況下一定會支持,但都要諗清楚客觀條件,有冇足夠時間帶佢哋去上堂。」

領養代替購買

從小在「狗堆」長大的阿謙,想起小時候的歡樂,少不免提到以往家中的「寶貝」﹕「屋企人唔贊成買狗,咁多年以嚟唔係收養,就係朋友送,更加試過遇到自來狗。記得有隻自來唐狗喺我屋企生咗幾胎,最後我哋見證埋佢啲仔嘅離世。唐狗可能外表平凡,但有好靈性,佢知死期將近,就會自動消失唔想主人傷心,一個星期後屋企人見佢再冇出現,就知大家緣分已盡,惟有永遠懷念佢。」

化妝:Leo Tam@Annie G Chan

髮型:Jan Chiu@PP IL Colpo

服飾:NEIGHBORHOOD@EXI.T

場地:Studio King影樓

---------------

立即參加「賞您睇」: http://bit.ly/2JWKULh

Click下面粒掣,儲on.cc coins!機票、家電、超市禮券、過萬份獎品等緊你。




來源 source: http://hk.on.cc
鍾意就快D Share啦!