網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2019年7月4日 星期四

【專訪】「股壇玩家」莊友堅:傻佬、師奶先買細價股! __,莊友堅,

網上搜尋「莊友堅」三字,前前後後總會出現「殼股玩家」、「細價股莊家」等形容。不過,當你面對面問莊友堅的莊家生涯,他劈頭就說,「『細價股玩家』呢個名唔馨 ...


網上搜尋「莊友堅」三字,前前後後總會出現「殼股玩家」、「細價股莊家」等形容。不過,當你面對面問莊友堅的莊家生涯,他劈頭就說,「『細價股玩家』呢個名唔馨香,香港所謂莊家,冚唪唥都冇教育!」對於莊家此形容詞,莊友堅斷言否認;論炒股心得,他這樣說,「要睇fundamental(基本因素)。」



「以女為喻」 反擊David Webb

今年65歲的莊友堅出身書香世家,於美國賓夕凡尼亞大學畢業。1985年回流香港,其後曾在信孚銀行做過Banker。六年後傾全家之力出資300萬元,再與朋友集資3,000萬至4,000萬元,合組投資公司Capital Union,即後來的中南證券,為日後的「中南網絡」奠下基礎。



提到中南網絡,莊友堅笑指,「David Webb我要多謝佢,多謝佢幫我改中南network呢個名。」中南網絡的確由Webb提出,並狠批莊友堅利用中南證券上市公司「做嘢」,相關公司包括未來世界金融(572)、茂宸集團(273)等32間。對此,莊友堅作出反擊,而他,決定以女人作比喻,「David Webb意思即係話,如果你同任何女仔行埋一齊,嗰條女就係你條女。如果條女係人妻,咁條女就一定係你情人,你哋偷食!」莊友堅補充,於股壇行走江湖,少不免與不少同行扯上關係,他認為Webb妄作判斷,大呼冤枉。



拒絕莊家稱呼,外間印象與自己的身份認同雖有出入,但講到對莊家的睇法,他自有一番見解,「(你要入行)你出身係冇錢嘅,邊個會幫襯你?邊個會搵你做顧問呢?你滙豐(005)會唔會搵我?長江(001)會唔會搵我?冇咁咪做細價股囉。」至於所有熱衷炒細價股的散戶,有莊友堅眼中,全部都屬同一類人:「師奶囉!傻佬囉!咪啲自認聰明嗰啲囉!」炒股票,有人贏,自然有人輸,他反問輸打贏要的散戶,「佢哋輸咗可以打邊個?冇人打。」。



講得興起,他繼續反擊,「其實我哋有好多隻股票,啲人炒咗發咗達㗎喇……」話到嘴邊,想了一會,他才想起,「係喎……買我哋啲股票,唯一發達可能真係買左136咋喎。」2015年莊友堅系內股份馬斯葛,易手予恒大(3333)及騰訊(700),即現時市值135億元的恒騰網絡(136)。



炒股心法:投資要做功課

做刁多年,多少總有幾隻自問是得意之作,但莊友堅輕輕反問,「市場有邊單刁係我做?冇啊!」然後一講就講到橫越太平洋的澳洲,指自己於當地收購一個農場,養牛養雞養馬,稱旗下馬匹Autumn Sun就是他得意之作,替他贏過澳洲5次Group One頭馬。那揀馬揀股有否相同之處呢,莊友堅直言最需要運氣。



即使運氣來到,能否把握就是另一回事。莊友堅透露,2003年時錯過Pre IPO買騰訊,「當時有人叫我買,2,000萬蚊畀我,我都拒絕咗,其實我就唔夠錢,我知道我投資咗一定會沽。」炒股,講求有耐性,而對莊友堅來說,炒股要贏,運氣以外,一字記之曰:忍!「你要忍得住唔沽好難㗎,我所有投資都係太早沽。」



記者當然想續問有否一招半式炒股心得可以分享,莊友堅這樣說︰「投資要讀書,睇PE,睇PB,信chart就睇chart,再唔係就睇fundamental。」



講到自己的資產部署,他強調,現時持有的都不屬細價股,例如太和控股(718)及渝港國際(613),市值都達10億以上。他表示,自己現時「唔炒細價股」,主力長線投資:將個人、家族及集團所有資金分成三等份。第一份用作投資物業,即使有短期上落,但長遠都會上升;第二份,買高息債券,例如中國恒大有約10厘息;第三份,放貸收息。



借錢與朋友之道

莊友堅出名樂於借錢出去,他認為借錢畀人是一盤生意,了解對方目的及還款能力才借出,而不是做當舖。最近借出1.4億元予收藏家葛師科,雖然一度因葛師科中倫敦金騙局而逾期還款。但莊友堅未有將古玩抵押品變賣,最終亦順利連本帶利收回債項。



而借錢這盤生意,亦為莊友堅帶來不少朋友及投資機會。他笑說︰「繼續畀高息,有得收錢咪做好朋友囉。」他又形容︰「未識我而上來借錢,你慌嗰啲會係好人咩,你夠唔夠膽嚟借,你夠唔夠膽按晒你成副身家來借錢呀?」



「我唔係成功」

能夠叱吒股壇30年,莊友堅指生存之道在於「做人要老實、講義氣同抵諗啲」。他認為醒目重要,但精靈就高一個層次。所謂精靈,即要識睇眉頭眼額,觀言察色,「你夠運先撞到叻人,有啲聰明嘅人未必係叻,叻人未必有錢,你要識選擇聽邊啲,唔聽邊啲。」



莊友堅畢業回流後,就與不少富豪打交道,86年在渣打(2888)工作時,開始負責湊大客,包括「大劉」劉鑾雄。他形容「我同大劉打工㗎咋,大富豪點解要你打交道呀,你老豆又唔係有錢」。他指大劉「精過我、叻過我」,更令他學懂一種財技,「佢教我咩叫供股囉。」



由昔日幫人打工,到今日成為財圈大老闆,論成功之道,他耍手擰頭,「我諗我唔係成功,就等於我當年做信孚銀行,我問我老細,究竟我要做啲咩?佢話我聽金融服務業,冇成功之道、唔使管理,你諗計去投資,去發明product搵錢,嗰啲叫成功之道。」



生意難由兒子繼承

雖然莊友堅甚少接受訪問,但追蹤他個人生活的鏡頭從沒少過,財經版、娛樂版及馬版都有他的身影,不時傳出與女星的緋聞,又曾說過結婚不適合自己。然而,莊友堅在15年與拍拖17年的嘅維他奶(345)家族後人羅琪茵(Karen)結婚。他反問︰「我曾經離過婚,咁離過婚之後係咪就唔適合結婚呀?」



提起5歲大兒子時,莊友堅笑言︰「佢就開心囉,我冇嘅嘢佢都有,鍾意做乜都得。」但他強調不能不讀好書。而對於兒子應否走同一條路,他說︰「我條路係冇計呀。」而且他認為自己盤生意沒辦法讓給兒子,「因為我死咗之後,啲人咪唔識做囉。」



記者:朱得志



影片:

旁白 / 朱得志

採訪、編撰 / 朱得志

攝影 / 李錦鏵

剪接、後期/ 何文超

編審 / 倪敏慧

-----------------------------

7月4日起 《蘋果動新聞》只限升級壹會員閱覽

繼續撐蘋果!




鍾意就快D Share啦!