掃呢頁CODE去手機

2019年7月23日 星期二

唐詩詠:怕空歡喜一場!唐詩詠結婚先帶男友見家長 __,唐詩詠,

唐詩詠話要結婚先會帶男友返屋企。藝人唐詩詠早上到沙田出席探訪長者活動,她表示之前都有去做探訪,有次更到外國老人院做探訪:「有中國人都有外國人,唱粵曲畀 ...


唐詩詠話要結婚先會帶男友返屋企。


藝人唐詩詠早上到沙田出席探訪長者活動,她表示之前都有去做探訪,有次更到外國老人院做探訪:「有中國人都有外國人,唱粵曲畀佢哋聽。(你成日都會唱粵曲?)其實我唔識,但我知佢哋鍾意聽,其實我唱得難聽,但氹佢哋開心,同佢哋傾吓偈,陪佢哋多啲。」她表示稍後會上樓探訪,但笑言不會唱粵曲:「驚太早嚇親佢哋。」

問到老人家可會跟她傾心事?她謂:「佢哋會叫我食多啲,又會問我近排點。(會唔會問你感情事?)又冇喎,但佢哋會畀啲意見,例如要揀咩男仔,又話唔好嗌交,要包容,最緊要心地好、孝順。」問到家人又有何意見?她表示:「佢哋從來唔敢講,唔知點同我講,爸爸少出聲,等我話畀佢聽,阿哥就話阿爸擔心,但唔敢講。(你自己都唔敢講?)都係,好少,怕佢哋擔心,有時唔知點講。(帶個男仔番去就唔使講?)結婚先帶,費事佢哋開心完又唔開心。」

提到早前被拍得與緋聞男友「教育界王力宏」陳思銘去超市買餸,唐詩詠否認拍拖:「講咗好多次,張相係冬天影,唔想再講,真係朋友,當日係聚會,無謂解釋,畀啲時間空間我哋,如果個個喺我身邊出現就係男友好大壓力,做我朋友好大壓力,連食餐飯都唔敢。」講到有指兩人築愛巢,兩人不是拍拖?她笑言:「唔係,喺我隔離就話係男友,去超市就話煮燭光晚餐,其實我都唔識煮嘢食嘅。(陳生介唔介意畀人話拍拖?)我哋冇傾。」問到另一緋聞男友馬國明呢?她笑言:「哎呀,啲人成日問我點解唔約佢去街,唔好咁投入套劇!(馬國明仲有機會?)可能我唔啱佢呢。(因為識得太耐?)冇諗過呀。」

---------------

立即參加「賞您睇」: http://bit.ly/2JWKULh

Click下面粒掣,儲on.cc coins!機票、家電、超市禮券、過萬份獎品等緊你。




來源 source: http://hk.on.cc
鍾意就快D Share啦!