掃呢頁CODE去手機

2019年7月16日 星期二

【中過催淚彈嘅佳麗】候選港姐梁敏巧去完初選 即開工扑咪採訪遊行 一句KO主播金盈 __,港姐,

今年港姐質素唔錯,有幾個憑住外貌成為大熱,不過話明智慧與美貌,有腦嘅都係重點。近日cctvb新聞主播金盈,喺網上留言:「如果你有質疑,你可以讀新聞系做 ...




今年港姐質素唔錯,有幾個憑住外貌成為大熱,不過話明智慧與美貌,有腦嘅都係重點。

近日cctvb新聞主播金盈,喺網上留言:「如果你有質疑,你可以讀新聞系做記者,了解更多。」還擊網民不滿大台新聞報導唔夠中立。而今年港姐候選佳麗中,就有位新聞系出身,仲係啱啱辭咗記者份工嘅梁敏巧。佢喺ig,就為連串反送中遊行,寫咗一段支持遊行嘅說話。「近來網上有八個字我非常喜歡,『兄分爬山,各有各做』,完全道出一個社會應有嘅元素---理性思維,廣闊胸襟及開放的態度去討論每件事。

每個人都有不同意見立場,我們不是機械人,無可能要求所有人思想一致…...我相信每個有獨立思考能力,明白行動所帶來嘅後果……

願港人仍可擁抱自由民主、人權法治、公平公義……」佢嘅分享,簡直係金盈嘅照妖鏡。

有讀者報料,呢位候選佳麗,原來去完港姐初選,第二日就開工扑咪,繼續落場採訪反送中。上月612遊行暴發警民衝突時,仍然係記者嘅佢,身處現場採訪,仲慘食催淚彈同胡辣噴霧。事後佢喺ig寫下,見証年輕人抗爭受傷,亦不忘相救,辛苦紀錄每一刻嘅記者,包括佢。

有讀者報料,落過戰場,唔係一張白紙嘅梁敏巧,為完成新聞系學業,佢要兼職三份工,教琴、marketing、又做sales,幫補學費同自己使費,睇嚟個樣生得幾甜,有修長靚腿,又有陽光氣色嘅梁敏巧,個性相當硬淨。

而今年有位佳麗Mina,係馮盈盈嘅同學,而有腦嘅梁敏巧,同樣有個同學仔係圈中人,佢就係大台嘅星夢娛樂歌手戴祖儀。


鍾意就快D Share啦!