掃呢頁CODE去手機

2019年7月11日 星期四

楊丞琳:罕有放閃 李榮浩當眾啜爆楊丞琳最多Like __,李榮浩,楊丞琳,

細水長流就係呢Type~台灣女星楊丞琳同內地歌手李榮浩今日高調宣布求婚成功,大家其實一直都非常睇好呢對姐弟戀,2015年,李榮浩忽然喺微博上貼出與楊丞 ...


細水長流就係呢Type~


台灣女星楊丞琳同內地歌手李榮浩今日高調宣布求婚成功,大家其實一直都非常睇好呢對姐弟戀,2015年,李榮浩忽然喺微博上貼出與楊丞琳合照,正式公開戀情,之後佢兩個就年年都互相祝對方生日快樂,仲要次次都準時凌晨12點送祝福,雖然例牌冇相冇合照,不過都算係低調得嚟又高調。

佢哋兩個人其實認愛以來合照唔多,放閃唔多,但係次次合體都一定有新花臣,最經典就係2017年,李榮浩在台北小巨蛋舉行演唱會,楊丞琳突然以神秘嘉賓身份出場,李榮浩當時High到爆喺台上當眾啜爆楊丞琳,咀完女友仲開心到喺台上邊不停跳嚟跳去,完騷後,李榮浩再次喺微博示愛,繼續Sweet爆用「我的女朋友楊丞琳」嚟稱呼對方。

去到舊年,李榮浩首開ig帳號,短短一日都已有六千幾個粉絲追蹤中,但李榮浩只係追蹤咗楊丞琳一個人,真係寵女友到爆!而李榮浩又公開表示過兩個人拍拖咁耐,佢哋從未試過吵架,有個咁好嘅男朋友,楊丞琳今次就叻女Mark到實喇~真係恭喜晒!

---------------

立即參加「賞您睇」: http://bit.ly/2JWKULh

Click下面粒掣,儲on.cc coins!機票、家電、超市禮券、過萬份獎品等緊你。




來源 source: http://hk.on.cc
鍾意就快D Share啦!