掃呢頁CODE去手機

2019年7月28日 星期日

張致恒:M血染床單?裕美憤怒否認介入張致恒戀情 __,張致恒,裕美,

今次裕美撇關係都撇得非常清楚!被封「新一代世紀賤男」的藝人張致恒(Steven)的偷食緋聞愈揭愈多,有傳他除「一腳踏五船」,早年和莊端兒拍拖時,先後劈 ...


今次裕美撇關係都撇得非常清楚!


被封「新一代世紀賤男」的藝人張致恒(Steven)的偷食緋聞愈揭愈多,有傳他除「一腳踏五船」,早年和莊端兒拍拖時,先後劈腿藝人蔣家旻和剛離婚的裕美,其中蔣家旻情傷喊自殺,傳和前夫分開的裕美當時又跟母親不和,要暫居狄以達的九龍灣公司,可是遇着冇水沖涼,Steven就趁莊端兒離港公幹,誠邀裕美回家沖涼兼過夜,女方更值「女性周期」,雙方依然有親密行為,染污了床單。

斥報道離譜:完全係作我出嚟!

裕美接受東網訪問時大斥報道離譜:「嘩,呢單嘢完全係作我出嚟,好離譜,雖然我曾經喺九龍灣間公司住過,但唔關冇水事,冇水我唔識去附近搵地方涼沖咩?裏面啲嘢(報道)好多都唔關我事,點會有血漬上床呀,大佬,唔好玩啦,關我咩事,我識得佢耐啫……」

同莊端兒都見過面

她又說自己在14歲入行,當年15歲就結識了剛出道,約18歲的Steven:「我記得係同公司啲藝人一齊出去聚會時識佢,大家又是基督徒,成日都會喺教會見面、傳福音、做見證,連教會啲朋友、莊端兒都知我哋識咗好耐,我同莊端兒都見過面。」雖然曾是成日見的熟朋友,但大家近年就較少聯絡,知道對方工作忙又拍拖。

強調冇嘢:唔好係仔都關我事先得㗎!

問到Steven可有曾展開追求?她指兩人視對方如兄妹:「佢當我妹咁照顧,記得有次我哋出外地嘅布道會,嗰次一齊去玩激流,我被浪沖到差啲翻艇同跌落水,佢第一時間捉住我,我哋冇嘢,大家唔好諗咁多唔好係仔都關我事先得㗎!如果有嘢一早有咗啦,冇咗依然都冇嘢啦,我唔覺得同佢有嘢囉。」問到對Steven「一腳踏五船」有何看法?她表示:「佢一腳踏幾多船都唔關我事,佢感情點處理我完全唔知道。(佢為人點?)相處咁耐,我覺得佢冇乜嘢,個人幾親切,又冇所謂,唔止對我係咁,對教會啲弟兄姊妹都好好,好funny,會幫人。」

唔敢搵對方免被誤會

最近可有聯絡Steven?她又話:「我都唔知依家點,過往有咩事我都會傳短訊佢,但今次就唔想煩佢,我只可以為佢祈禱,冇乜嘢可以做到,你知啦,佢又靚靚仔仔,又係mix(混血兒),講嘢又叻,又識氹女仔,好多女仔埋身,佢又抵擋唔住咁,但佢可以處理得好好多囉。」她打算再過一段時間再找他,免被誤會八卦,相信現時他自知「瀨嘢」,不會覆任何人機。

---------------

立即參加「賞您睇」: http://bit.ly/2JWKULh

Click下面粒掣,儲on.cc coins!機票、家電、超市禮券、過萬份獎品等緊你。




來源 source: http://hk.on.cc
鍾意就快D Share啦!