2019年7月27日 星期六

宣佈結婚生仔即爆醜聞Steven被轟一腳踏五船舊愛群起控訴 __,Steven,張致恒,

Steven前晚在Ig貼出一家三口合照宣佈喜訊,隨即被踢爆一腳踏五船,雙喜臨門變醜聞纏身。互聯網圖片
Steven前晚在Ig貼出一家三口合照宣佈喜訊,隨即被踢爆一腳踏五船,雙喜臨門變醜聞纏身。互聯網圖片BOYZ成員張致恒(Steven)前晚在Ig貼出一 ...


BOYZ成員張致恒(Steven)前晚在Ig貼出一家三口合照,宣佈雙喜臨門,與未婚妻雯雯的兒子「天寶」也已經100日大,但隨即被轟腳踏五船。Steven正印舊愛梁皓恩(April)在Ig留言怒轟Steven,向對方追數,更說「醫院見」;隨後即有女網友留言指April並非唯一受害者,她與另外兩位女性也是。

相關新聞:【七國咁亂】張致恒女伴多

現年34歲的張致恒情史多籮籮,更曾自爆「性上癮」、又認「衰鹹濕」偷食,前日Steven突然宣佈婚訊兼升呢做老竇,將會娶歌迷雯雯,他還在Ig貼出一家三口合照晒幸福,好友關智斌(Kenny)、蔡卓妍及鄭希怡也紛紛送上祝福。當大家以為Steven浪子回頭時,今年4月還是他正印女友的梁皓恩(April)公開爆Steven大話連篇,並向他公開追數。



留言斥唔肯面對

April指Steven前幾日還發情話短訊給她,之後忽然玩失蹤,她在Steven的闔家歡相上留言:「我呢?你會唔會覺得你有嘢要同我講?你想逃避到幾時,一個電話都唔面對?你所有衫褲鞋襪同所有嘢都仲喺我度,你嗰啲愛我嘅message呢?先幾日仲有喎?你仲爭我好多錢,right?你唔打畀我嘅話,醫院見。」April疑大受打擊,又發文說:「我怕過唔到今晚。」

有女網友回覆April的留言,踢爆Steven早幾天也跟她說「愛我」:「唔該April覆Ig私信,受害者不是你一個,𠵱家我仲有兩個女仔等你。」踢爆Steven一腳踏五船,苦主們疑組成「復仇者聯盟」向他討回公道。該女網友也在Ig寫道:「你想讓全世界知道你是個好人,但我們都讓身邊人知道我們是白癡。」

相關新聞:【蘋聞重溫】情場慣犯 拍拖衰偷食分手



April在Ig貼出疑是Steven的背影,更指「怕過唔到今晚」。 April在Ig貼出疑是Steven的背影,更指「怕過唔到今晚」。
April在Steven的Ig留言追數後,即有女網友留言指她並非唯一受害者。

April在Steven的Ig留言追數後,即有女網友留言指她並非唯一受害者。

April情緒極不穩

April好友X昨日向《蘋果》爆料:「我見過張生好多次,一向都睇唔出有問題,淨係知佢成日都要喺內地拍劇,陪唔到April。4月5日艾粒紅館演唱會,都係張生畀飛我哋兩個入去睇,當時仲係女朋友身份入去,Kenny都見到。」

X小姐再指出April與Steven在灣仔同居,月租1萬5千元:「張生一直都話自己拍劇未出糧,要April交住先,當然一直都冇畀番佢啦。」X小姐表示Steven約欠Apirl數萬元,更指April現在情緒非常不穩:「佢唔食嘢、唔出門,我哋24小時睇實佢,怕佢會做儍事,佢接受唔到,因為佢同Steven上星期至有親密行為。」X小姐已聯絡April媽咪,準備這兩天帶她看醫生。



April好友爆料指April在4月以Steven女友身份去紅館睇艾粒演唱會。讀者提供圖片

April好友爆料指April在4月以Steven女友身份去紅館睇艾粒演唱會。讀者提供圖片
Steven未婚妻雯雯曾做過「龍友」model。互聯網圖片

Steven未婚妻雯雯曾做過「龍友」model。互聯網圖片

雯雯做龍友Model

雖然有指雯雯是Steven的粉絲,但有《蘋果》讀者報料,指雯雯其實是model,更在一家模特兒公司網站找到一個叫區雯雯的模特兒資料,樣貌身材跟準張太十分相似。區雯雯身高僅151cm,三圍是32A、26、28,身形嬌小,網站上有多張她攝於14年的生硬甫士相。此網站是予人上網留言安排預約工作,即愛好拍攝的「龍友」也可以在網站直接找她。

Steven自爆結婚生仔後,舊愛莊端兒本來送上祝福,但後來知道他死性不改後說︰「有啲突然,係咪有好多受害者我唔清楚,我就已經放下。」她直言與Steven已沒有聯絡,問到對方是否花心?她說:「佢花心就大家都知,希望以後佢修心養性。」另一位舊愛鍾舒漫則同情April︰「係女仔見到都會心痛同擔心,我好希望April要珍惜自己,唔好做儍事。」

採訪︰皓騫、陳杰、嵐山




鍾意就快D Share啦!
Related Posts Plugin for WordPress, Blogger...