網頁

請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2019年7月30日 星期二

【食「人血饅頭」】鄒凱光出抗爭口號黑Tee被鬧發港難財:我用創意換人工 __,鄒凱光,

「灘叔」鄒凱光一向關心示威人士安危,立場鮮明,雞蛋與高牆之間,他肯定站在雞蛋那邊,怎料他近日出了一系列SloganTee,一共5款,每件賣$299,為 ...


「灘叔」鄒凱光一向關心示威人士安危,立場鮮明,雞蛋與高牆之間,他肯定站在雞蛋那邊,怎料他近日出了一系列Slogan Tee,一共5款,每件賣$299,為大家打氣,昨日此post一出,即引起網民關注,指他「發災難財」、「食人血饅頭」,網民覺得Tee定價太貴,同時沒列明是否將部分收益損給前線義士,認為推Slogan Tee只是抽水。

相關新聞:【逆權運動】克警扯甩罩兼踩臂 殘忍「煙熏」 被捕抗爭者短暫失明



網民指灘叔在開賣Slogan Tee前,一早有鋪排,他曾穿這款tee去看鄭秀文演唱會,身穿這件衫的灘叔到後台跟Sammi合照,事後出post聲稱好多人問他這件衫在哪裏買,順便公佈VolunTEE的詳情,希望同大家打氣,或者幫助最近要換好多衫的朋友,叫大家想訂購就私訊下單,第一批訂單將在8月4號到貨,引起部分網民反感,稱印20件tee每件成本約60元,灘叔竟然賣$299,大批網民質問灘叔。



網民認為「打住政治旗號,食埋個黑衫trend,錢就袋袋平安,呢啲唔叫人血饅頭係咩呀?」有一位疑似灘叔下屬的人在FB留言:「唔好意思,我係出原圖嗰個同大概知件事嗰個,(FINAL DESIGN就不是本人負責),我想問點解大家覺得係人血饅頭呢?認真係少少正能量嘢,好generic的,任何時候通用,當然我好明白大家有心幫前線,但係咪一講到同錢有關就一定要去嗰邊呢?所以其實都冇諗過會賣得多,同時冇打着任何旗號,就係諗到一件事,好似可以抒緩下大家心情,情況就係出個火咁,技師點解唔可以收錢呢?」

相關新聞:【元朗恐襲】新蒲崗麻雀館割席 電子屏幕展示「盡快實施雙普選」



導演鄒凱光印抗爭TEE被網民鬧發「港難財」,今日他回應《蘋果》說:「件tee係我另外一個page網頁妙思淫一集裏面尾round up嘅說話攞出嚟,有啲鍾意整T恤嘅朋友話好靚呀,攞出嚟整。整完之後喺自己嘅page,好多人都好鍾意,因為咁我先將好多自己嘅嘢拎出嚟印呢啲T恤。諗住畀我啲fans大家開開心心,啲字全部係我自己嘅,亦都冇牽涉到落去成個抗爭。我睇唔到每一個字有乜嘢,even『be water stay here』係我上年做talk show已經講。大家要話我喺件事發港難財,佢哋要講佢哋嘅事,呢件事係為咗要嚟一班人做一個紀錄,同埋想大家聚埋一齊傾下。」



至於昨日他的FB留言被截圖廣傳,內容是灘叔稱自殺人士「咎由自取」,他回應此留言是多年前的舊post,疑有人翻舊賬斷章取義:「『咎由自取』自殺係好多年好多年前嘅post嚟,當時我喺電台做緊節目,好多香港人為情自殺,我覺得呢樣嘢好唔值得,自己條命為咗呢樣嘢唔值得,的確發出過咁嘅聲明。往後日子因為好多人都拎番呢件事出嚟傾,每一次都答番佢哋同埋道歉咗。而家係兩件事嚟嘅,我已經講咗,但係大家淨係拎呢句出嚟,唔拎後面出嚟 ,因為要攻擊我,就係咁囉。」



此外,有女fans對灘叔的行為頗失望:「一直支持你,但呢個時候賣口號衫,仲成$299一件,除非所有收入幫助『有需要人士』,不然就太那個了。」灘叔在FB留言直認出Tee決心賺錢 :「如果妳認為出『自由x』同『唔好搞我後面』係可以同我呢次相提並論!其實基本妳已經有決定 我再講都多餘!妳仲話一向有跟開我,我已經講到出口,大家負責嘅嘢唔同,我知前線果班好慘,咁係咪我哋要全部一齊鬥慘就代表支持,我係負責其他人繼續上路,呢批衫我係決心賺錢,因為我都要食飯,我用我創意換人工,呢個係我三十幾年嘅搵食方法,如果妳從前有支持過我,妳應該唔誤解,但都係嗰句大家心情唔好係容易燥,但要有番啲文路,唔係大家都好難撐你哋。」



灘叔又指如果大家有需要他可以送贈口號衫,女fans反撃:「上個月已有人想賣『自由X』等口號Tee,只係當時一出宣傳,就畀勁多網民狂鬧,最後都唔知有冇開賣到。不過你有出版嘅自由,下面又有fans支持你就OK囉。不過唔使送畀我喇,客氣了,我唔想佔人便宜,送畀有需要的人。」



另有網民指責灘叔未有了解前線年青人的狀況:「前線餓住肚,食子彈食teargas,唔係為咗畀你嘅idea賺錢,打行字加免費素材,你真係撐Saving life就將收益不扣除成本全捐出,買食物買gear買運動飲品派前線就真係saving life」另有網民撐灘叔:「咁商業市場係自由嘅,你話貴咪買囉。」

------------------------------

【每周送10萬】

升級壹會員獨家尊享,立即參加10萬火急大抽獎!

*推廣生意的競賽牌照號碼:52302-9

-------------------------------

錶迷必讀!

89頁腕時計電子書66款嚴選年度新錶

https://hk.adai.ly/e/v7jEA0MC1X



(鄒凱光FB留言截圖) (鄒凱光FB留言截圖)
(鄒凱光FB留言截圖)

(鄒凱光FB留言截圖)

鍾意就快D Share啦!


Related Posts Plugin for WordPress, Blogger...