掃呢頁CODE去手機

2019年7月7日 星期日

政Whats噏:政Whats噏:醜聞纏身湯家驊傳做律政司長 突放售美物業惹議 __,湯家驊,

有傳政府一旦踢走鄭若驊,湯家驊(圖)或會接任律政司司長。政界有傳,政府一旦踢走現任律政司司長鄭若驊,曾是公民黨(公文袋)成員,後轉軚成為建制派嘅行政會 ...


有傳政府一旦踢走鄭若驊,湯家驊(圖)或會接任律政司司長。


政界有傳,政府一旦踢走現任律政司司長鄭若驊,曾是公民黨(公文袋)成員,後轉軚成為建制派嘅行政會議成員湯家驊或接任做律政司司長。湯喺上月底申報減持喺美國嘅物業,佢近日接受傳媒訪問時稱,自己同太太今年好少去美國住,因而賣樓。被問到會否加入問責班子,佢就話外界傳言係造謠同完全無事實根據。有意見認為,根本唔應該搵湯做律政司司長,不如搵本身係大律師嘅立法會議員梁美芬做仲好。

外界有意見認為,湯家驊根本唔適合做律政司司長,梁美芬做司長就比較合適,梁美芬本身係大律師,教咗法律咁多年,熟悉憲法同基本法,仲係立法會議員同基本法委員會委員,唯一係唔知梁美芬能否駕馭律政司內部啫!

講開湯家驊嘅臭史甚多,2011年佢仲係公文袋立法會議員時,被踢爆其位於大埔康樂園嘅豪宅單位涉嫌僭建玻璃屋。佢當時一度引用自己有份打過嘅僭建官司,死撐話玻璃屋屬豁免規管類別,之後其他法律界人士及屋宇署就指證出錯,佢先話一時記錯案例,向公眾致歉及承諾清拆僭建物,真係𤓓到爆。

2015年湯家驊喺立法會未能通過政改方案後,退出公文袋並辭任立法會議員,之後成立行中間路線嘅民主思路,至前年現屆政府上場,佢就被委任為行會成員,成為建制一分子,有人形容佢係「政界變色龍」。有意見認為,湯家驊臭史數極都數唔完,搵佢做司長根本就唔合適。




來源 source: http://hk.on.cc
鍾意就快D Share啦!