熱爆娛樂: 【11.1結婚】陳山聰第一次做男主角婚禮冇請舊愛超雲：一切從簡 _

2019年8月23日星期五

【11.1結婚】陳山聰第一次做男主角婚禮冇請舊愛超雲：一切從簡 __,超雲,陳山聰,

42歲的陳山聰最近事業愛情兩得意，日前宣佈將於今年11月1日，跟拍拖5年的圈外女友Apple結婚；最近更忙為無綫新劇《大步走》開工，首次擔正做男主角。

今日下午3時多，山聰與張國強（KK）、姚子羚、寶珮如、曾航生等在西貢拍攝《大步走》，場口主要是講述山聰和KK帶住一班業餘跑步人士一齊跑步。人逢喜事的山聰全程笑笑口，天氣雖然好熱，但不用埋位時，大家都沒有回車廂涼冷氣，反而是站在路邊玩自拍，大家開心說笑，其間有市民上前要求山聰影合照，他亦有求必應。

大約個多小時後完成拍攝，記者趁機會上前恭喜山聰即將小登科，他即合十雙手講「多謝」。他表示心情不算太緊張，還說：「應該要處理嘅都處理晒，剩番少少交畀另一半。」問到婚禮會否邀請星級兄弟姊妹團參與？他說：「唔會，一切從簡，女友想低調，我哋只係想開一個party，一班好friend嘅朋友食餐飯。」問到會否邀請舊愛何超雲出席？他想也不想便說：「唔會，只係好簡單食餐飯，真係好似開Party咁，一切玩新郎乜都冇，唔好當飲宴，當係一個party。」

採訪、攝影：徐錦池、吳耀輝

------------------------------

【每周送10萬】

升級壹會員獨家尊享，立即參加10萬火急大抽獎!

*推廣生意的競賽牌照號碼：52302-9

陳山聰坦言不會邀請舊愛超雲出席婚禮。（攝影：徐錦池、吳耀輝）	陳山聰與女友Apple（左一）已拍拖5年，決定11.1拉埋天窗。（IG圖片）	 Apple（左二）早已融入山聰屋企，與山聰哥哥（右一）玩得好開心。（IG圖片）
 劇中山聰負責領跑。	 山聰首次做男主角，加上婚期近，可謂人逢喜事精神爽。	 子羚與山聰老友鬼鬼，當然亦有恭喜對方。
 新劇《大步走》	 不用埋位，大家一齊玩自拍。