掃呢頁CODE去手機

2019年8月19日 星期一

時裝之友憶往事劉培基5月相聚成訣別香港一代名模劉娟娟病逝 __,

劉娟娟被封為香港名模始祖,曾活躍於香港時裝圈,惟前日因病離世,享年75歲。
劉娟娟被封為香港名模始祖,曾活躍於香港時裝圈,惟前日因病離世,享年75歲。資深形象顧問劉娟娟於70年代走紅香港時裝界,做模特兒時更衝出國際到巴黎行騷, ...


資深形象顧問劉娟娟於70年代走紅香港時裝界,做模特兒時更衝出國際到巴黎行騷,被封為香港名模始祖,近年定居上海的她前日不幸病逝,享年75歲。一班時裝界好友憶起故人往事,鄧達智透露對方早前發現大腸癌末期,之後併發肝癌。而與她相識逾40年、深交如姊弟的劉培基今年5月與劉娟娟到泰國聚會,卻成為最後訣別,對於好友的離開,劉培基傷感地表示:「痛到不得了。」

相關新聞:【獨特五官】慧眼識夏文汐吳綺莉

香港一代名模劉娟娟於60年代隨丈夫移居香港,後來入行當模特兒,在70年代紅極一時,其後曾分別為香港小姐及亞洲小姐做過形象總監,近年已移居上海。前日下午劉娟娟在上海因患癌逝世,享年75歲,離世時她的兒子及妹妹劉莉莉也在身邊陪伴她最後一程。



朋友開心果

劉娟娟活躍香港時裝設計界,與同為時裝設計師的文麗賢、劉培基是相識逾40年的深交,與鄧達智也稔熟,鄧達智前晚接受《蘋果》訪問時,透露劉娟娟不久前發現患上大腸癌末期,他傷痛地表示:「娟娟係兩個星期前入院,佢一向冇做驗身,唔舒服入院,一照就發現係末期大腸癌,併發肝癌,冇任何treatment可以做。佢個仔知道後,即刻由美國飛去陪佢。」

與劉娟娟相識逾40年的文麗賢回覆時表示最近與劉娟娟見面,對方總是面青消瘦,近月更一直住院,令朋友都很擔心。提到與好友點滴,她指劉娟娟為朋友帶來歡樂:「佢80年代已經同我哋一齊去巴黎做騷,因為佢夠高,就行好多晚裝騷,一班人travel好開心。佢好貪靚,你讚佢唇膏靚,佢就會即刻帶埋你去買,佢仲煮得一手好菜,常設家宴,佢經常着得好靚咁,一個人喺廚房煮幾十人餸,獅子頭呀、上海菜呀,煮完又係好靚咁行返出嚟。」

相關新聞:【欷歔惋惜】張學潤:有品味的儍大姐



劉培基(左二)憶述今年5月與劉娟娟(右一)在泰國聚會時,劉娟娟都未知道自己有病在身。微博圖片 劉培基(左二)憶述今年5月與劉娟娟(右一)在泰國聚會時,劉娟娟都未知道自己有病在身。微博圖片
時裝設計師文麗賢(右)指劉娟娟生前對朋友十分熱情,經常下廚招呼朋友。互聯網圖片

時裝設計師文麗賢(右)指劉娟娟生前對朋友十分熱情,經常下廚招呼朋友。互聯網圖片
鄧達智讚劉娟娟很有義氣,朋友有事她一定會幫忙。互聯網圖片

鄧達智讚劉娟娟很有義氣,朋友有事她一定會幫忙。互聯網圖片

家人瞞病情

除文麗賢外,劉娟娟另一名好友劉培基前晚接受電話訪問時透露今年5月底與劉娟娟在泰國清邁聚會,想不到事隔兩月,對方已撒手人寰,他說:「當時仲未知道佢病,佢都唔知自己有病,只係話有時好攰,6月3號佢返上海,我返香港,之後有通電話,佢話唔舒服搵地方針灸。」劉培基表示對方不知自己病重,皆因醫生未有向她透露,只向她在美國回來的兒子交代:「佢個仔覺得唔應該話畀佢知,因為已經去到咁嘅程度,講畀佢知都冇用。之後佢個仔通知咗我,因為我哋識咗咁多年,好在佢一直唔知,好在佢冇辛苦!」

對於好友離世,劉培基坦言難過:「痛得好緊要,雖然人生個個都要經歷面對,但好難受,佢份人太可愛,好可惜!我識佢時我得26歲,識咗佢40幾年,我有乜事,佢一定幫我,真係好難過,痛到不得了,我哋感情太深,好似兩姊弟,今次泰國本來叫佢唔好嚟,但佢話一定要嚟,好在佢嚟咗,大家最後一聚!」

採訪:林妙萍、皓騫



劉娟娟於90年代曾分別替港姐、亞姐做形象顧問,與圈中人熟稔。

劉娟娟於90年代曾分別替港姐、亞姐做形象顧問,與圈中人熟稔。
張國榮和劉娟娟都是愛靚有品味之人。

張國榮和劉娟娟都是愛靚有品味之人。
「哥哥」張國榮的至愛唐鶴德昨日在社交網貼相悼念劉娟娟。

「哥哥」張國榮的至愛唐鶴德昨日在社交網貼相悼念劉娟娟。

鍾意就快D Share啦!