網頁

請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2019年8月4日 星期日

【8.5大罷工】金融界撐明日罷工 「咩都唔做,我對唔住被捕者」 __,

不少金融界人士支持周一(8月5日)「大三罷」行動,有本地大型銀行前線員工坦言已向上司明志,呼籲其他同業響應。
錢,非常重要,但比錢更重要的,還有更多。不少金融界人士支持周一(8月5日)「大三罷」行動,有本地大型銀行前線員工坦言已向上司明志,呼籲其他同業響應,著 ...


錢,非常重要,但比錢更重要的,還有更多。不少金融界人士支持周一(8月5日)「大三罷」行動,有本地大型銀行前線員工坦言已向上司明志,呼籲其他同業響應,著大家睇長遠一些,為自己的未來,為下一代也好,堅決守護香港不變。「(被捕人士)不是為了自己而犧牲,如果我咩都唔做,我會覺得我對唔對得住佢哋?我對唔住佢哋…」



逆權運動持續逾兩個月,香港社會撕裂未見修補,令不少港人心灰意冷,甚至萌生「去意」,在本地大型銀行分行工作的Ming(化名)透露,日前有打政府工的客戶要求兌換大量英鎊,「佢話要去英國睇樓,準備移民」,類似情況近一個星期已經有三次。



被問到自己是否有移民打算,Ming坦言刻下香港令人絕望,直認有移民念頭,但始終捨不得仍在堅持的年青人,他們彷彿為香港帶來一絲希望,「香港人好互助、好團結,真係好無私…被催淚彈追住走嘅時候,見到隔離嘅人跌低,唔係只顧住自己走,而係會扶人起身…有人一買買幾千蚊的物資嚟幫你,唔係因為香港人有錢,呢啲係無私嘅付出、犧牲,令我好感動」。



至今有過千銀行同業以員工證明志,表明支持周一罷工,Ming是其中之一,她說當其他人犧牲生命保衛香港,自己卻「連一日唔返工、企出嚟的勇氣都冇」,難稱得上是「香港人」,良心亦過意不去,「佢哋唔係為咗自己,係為咗香港嘅下一代、我哋嘅下一代犧牲咁多,如果我咩都唔做…我對唔對得住佢哋 ?我對唔住佢哋!」



罷課、罷工、罷市可以說是不合作運動的最終章,或許有人會覺得這只是搗亂香港,覺得「唔返工就係錯」,但作為金融人的Ming卻認為香港成功在於其特殊地位,權利、人權得到保障,交易自由,才能令外國資金、企業相信香港,若香港變成中國,令外資撤離才直正造成影響,「唔係呢一時三刻唔返工、出唔到門、遲到咗一個鐘,或者開唔到舖,我覺得佢哋睇得唔夠遠,或者你呢一代都仲係好安穩、舒服咁生活,咁我哋的下一代呢?我哋2047的時候都係中年…仲要繼續喺呢個香港生活,咁我哋嘅以後呢?你要睇長遠啲…」



她又說多得老闆體諒,令她可以在無壓力下參與罷工行動,續呼籲同業加入罷工行列,竭力保護香港獨有的人權和自由。





Matthew是另一位走得比較前的金融界人士,自6.9開始,幾乎參與大大小小的遊行、集會,是保險業中少數願意發聲者。他說不介意容貌曝光,單是接受採訪,不足為懼,「我又唔係行到最前線,行到最前線嗰班年青人都敢為香港付出自己嘅前途,冒住生命危險畀人拉,付出自己的未來。我作為一個三十幾歲嘅80後,對比佢哋,我有咩可以輸?」



在這場逆權運動上,他說自己與港人同一陣線,希望略盡綿力,捍衛香港一直賴以為生的核心價值,包括法治、自由,「如果僅餘嘅都被蠶食,香港仲會唔會有獨特地位?我哋只不過係香港嘅其中一個城市咋喎?」



漫長的抗爭路上,Matthew說難得地看見香港比以前團結,尤其是有部份香港市民由政治冷感,慢慢願意大熱天時行出來發聲。



至於香港的下場?Matthew思考良久,說「大家都唔會知」,但仍要堅持下去,原因之一是要彌補雨傘運動的一個遺憾,「14年佔中我都有出現,好不幸9.28當日,我無和一班學生一齊去承受,這是當年其中一個遺憾」。



除了填補佔中時的遺憾,亦與生計受損有關。他說得更白,近年不少國內畢業生加入本港保險行列,「佢哋國內有好多親朋好友,即使條例點樣, 對佢哋來講都只是賣個人情。但對紅褲仔出身嘅人來講,修訂逃犯條例絕對有影響,國內客戶仲需要落香港買(保險)?抑或去遠少少的東南亞國家買保障、資產轉移?」。



他最想呼籲「政治潔癖者」覺醒,「發展到咁地埗,已不只是政治立場的關係,而係良知、良心為主…讀咁多年書,學知識外,仲教你點做人,點做個有良心的人」,希望大家鬧前線衝擊、所謂「搞破壞」的後生仔前,了解事情始末,「究竟始作俑者係邊個 ? 如果了解完都仲要鬧,我們不能控制,香港始終有言論自由…」





同樣因雨傘運動而改變,仲有「和理非」Carol,她是保險起動的其中一個活躍成員,元朗恐襲一幕,她頓時發現「香港不公義得咁緊要」、「真係好明顯和黑社會有聯系」。作為大型保險公司代理的她,近兩個月都「無心情開單」,反而投放更多時間在街頭抗爭。



近一個星期,保險起動亦發起響應周一罷工行動,「(保險業工作性質)就係太自由,我哋都要出來話畀人聽,我哋要罷工」。不過業界依然有很多疑慮,Carol透露,在收集同業STAFF CARD明志一事上,「有收到個別保險公司代表的留言,話寫律師信告我哋,但我哋寫明(員工證)唔代表公司立場,而係個人立場,所以我都好愕然,一個個體要表明立場,公司點解要阻止呢?」



她續表示,有公司更向員工發出內部信件,提醒同事切勿表態,「有保險公司高層比較親中,有啲會禁止員工講呢啲嘢,佢哋要走出來其實都好難」。她形容香港正在倒退,無助,更要發聲,「如果我哋怕,就會畀佢哋繼續打壓,唔可以再驚…」



記者:黃珮琳




鍾意就快D Share啦!


Related Posts Plugin for WordPress, Blogger...