掃呢頁CODE去手機

2019年8月1日 星期四

李榮浩:大陸停簽赴台證 李榮浩見楊丞琳要跟團? __,中國,大陸,李榮浩,楊丞琳,

其實……即係變相催婚喎!大陸文化和旅遊部宣布今日(8月1日)起暫停47個城市的大陸居民赴台個人遊試點,即係大陸同胞冇得去台灣玩,當地旅遊業界叫苦連天, ...


其實……即係變相催婚喎!


大陸文化和旅遊部宣布今日(8月1日)起暫停47個城市的大陸居民赴台個人遊試點,即係大陸同胞冇得去台灣玩,當地旅遊業界叫苦連天,不過原來更傷心嘅係另有其人。本身係安徽合肥人嘅歌手李榮浩,喺上月自己34歲生日當天宣布求婚成功,娶硬35歲台灣女星楊丞琳,當時大家仲讚嘆緊二人守得雲開之際,忽然嚟個「禁台證」,搞到網友都戥李榮浩擔心,唔知佢可以點樣見長期身在台灣嘅未婚妻楊丞琳。

有網友就凸破盲點指依家係禁自由行,如果李榮浩跟旅行團過台灣,就易辦好多,加上佢本身簽台灣公司,都可以申請工作簽證,不過依然有好多網友繼續關心呢對苦命鴛鴦點見面,仲熱烈到「李榮浩怎麼去台灣?」話題上埋熱搜添,真係有心!但其實網友又唔使太擔心,就算李榮浩去唔到台灣,楊丞琳都可以隨時返大陸嘛。

---------------

立即參加「賞您睇」: http://bit.ly/2JWKULh

Click下面粒掣,儲on.cc coins!機票、家電、超市禮券、過萬份獎品等緊你。




來源 source: http://hk.on.cc
鍾意就快D Share啦!