2019年8月28日 星期三

張智霖:高人指點!張智霖𢱑靚靚養貓求扑中個女 __,張智霖,袁詠儀,靚靚,

招女貓真係有用?男神張智霖(Chilam)48歲牛一與太太袁詠儀(靚靚)玩「床上直播」,期間他恍如小孩向母親討糖吃,無限loop要求靚靚御准他養貓。翻 ...


招女貓真係有用?


男神張智霖(Chilam)48歲牛一與太太袁詠儀(靚靚)玩「床上直播」,期間他恍如小孩向母親討糖吃,無限loop要求靚靚御准他養貓。

翻查記錄,原來當年曾有高人指點Chilam夫婦,如果想追B女成功,養貓絕對有幫助,當時靚靚受訪更笑言:「Chilam半夜三更喺外國打返嚟畀我,話有咁嘅報道叫我去睇,其實我老公不嬲都好想養貓,而我又好想生女,所以即刻搵人打畀師傅,師傅話公仔貓其實都得嘅。」如此推說,Chilam想養貓都係用心良苦。

Chilam事後接受東網訪問,提到養貓願望,他繼續鍥而不捨說:「我真係好想養貓,我唔係自私呀,係想幫兩隻狗搵多個玩伴啫。其實以前我都送過貓畀當時好想養貓嘅靚靚,點知依家輪到我想養,總之我會繼續去搵屬於自己嘅貓。(養唔成同靚靚追個女?)呢啲順其自然」他又笑言想養貓多過養人。開生日如何慶祝?他說:「放工會同啲朋友去私人會所食飯,你哋(記者)一定發現唔到,哈哈﹗」

另外,Chilam與靚靚日前撇下囝囝張慕童,駕車拍拖外出食晚飯,不過當時正值晚飯時間空餘車位不多,駕駛四驅車的Chilam獲職員安排停泊一個狹窄車位,雖然他駕駛技術不俗,但亦要坐在旁邊的靚靚幫手睇位,其後二人離開停車場,十指緊扣步往附近大廈上樓撐枱腳,發現記者在場亦大方打招呼。

--------------

立即參加「賞您睇」: https://tinyurl.com/y2e6pmwk

Click下面粒掣,儲on.cc coins!機票、家電、超市禮券、過萬份獎品等緊你。




來源 source: http://hk.on.cc
鍾意就快D Share啦!
Related Posts Plugin for WordPress, Blogger...