掃呢頁CODE去手機

2019年8月6日 星期二

【越級同朱晨麗不和】龔嘉欣有富貴男友靠山 出入揸跑車又有司機管接送 __,朱晨麗,鍾嘉欣,龔嘉欣,

早排大台拍新劇《大醬園》,就爆出龔嘉欣耍大牌,為方便自己,成日要求改通告時間,搞到劇組唔少PA都怕左佢,又同另一位女主角朱晨麗鬧不和,連劇集嘅煞科宴都 ...




早排大台拍新劇《大醬園》,就爆出龔嘉欣耍大牌,為方便自己,成日要求改通告時間,搞到劇組唔少PA都怕左佢,又同另一位女主角朱晨麗鬧不和,連劇集嘅煞科宴都唔出席,除咗有戲劇組揸弗人珍姐撐腰,有指龔嘉欣近年忽然富貴,識咗個富貴男友,揸百萬靚跑車,開工又有助手跟到實,係巴閉嘅!

雖然龔嘉欣口講就話唔急拍拖,但相信每個女仔都渴望擁有愛情。過往,龔嘉欣都情路崎嶇, 不過遇到個可以照顧自己嘅人,都係時候定落嚟,何況係有米之人!本來係慳妹嘅佢,近排變得好疏爽,出入轉揸百萬靚跑車,上個禮拜,佢返公司為「娛樂大家」錄影,就係揸住「Katy BB 」縮寫嘅KB車牌跑車開工!之前開劇嗰陣,唔少工作人員都見過佢,間中有司機揸住部七人車接送,有兩部車用,認真巴閉。

唔單只咁,拍劇仲有請埋助手照顧,同以前一腳踢乜都要自己嚟好大分別!

依家有條水喉射住,即刻有氣焰。早排佢自爆有圈外追求者,今年情人節,佢收到兩大束紅玫瑰,龔嘉欣仲冧爆po相上Ig 放閃。

據龔嘉欣身邊好友透露,有富貴男友之後,一向鍾意小朋友嘅佢,仲話要調理身體,拍完劇要休息一排。同朱晨麗傳不和,龔嘉欣就同身邊人講唔係爭做一姐,最想反而係組織家庭,今年29歲嘅龔嘉欣,嚟緊年尾就29+1,都係時候為自己幸福打算下嘅!


鍾意就快D Share啦!