掃呢頁CODE去手機

2019年8月28日 星期三

魏駿傑重慶妻認夫妻曾嗌交 堅稱有盡母親責任湊女 __,魏駿傑,

攝影:吳耀輝、孔志豪
魏駿傑08年迎娶年少19歲的重慶嫩妻張利華,育有8歲囡囡Jessica。不過,二人結婚多年屢傳婚變,《蘋果》連月在魏駿傑西貢家等候,鮮有見到張利華蹤影 ...


魏駿傑08年迎娶年少19歲的重慶嫩妻張利華,育有8歲囡囡Jessica。不過,二人結婚多年屢傳婚變,《蘋果》連月在魏駿傑西貢家等候,鮮有見到張利華蹤影,且經常見魏駿傑一支公湊女。



不過,《蘋果》於日前在西貢市發現張利華蹤影,當時她與一位女友人在餐廳嘆下午茶,而且看來心情很好,說話時不停手舞足蹈,又不時用手撥弄頭髮。



當日,悉心打扮的張利華戴了一副白色邊框太陽眼鏡,穿黑色小背心再加一條紅白色花紋貼身半截裙,坐在餐廳一個半開放式位置,一邊吹着風扇,一邊和友人聊天至約黃昏6時始離開。



待張利華和友人道別後,記者上前表明身份,她最初見到記者都有點愕然,但亦禮貌跟記者打招呼,聽到記者問魏俊傑在哪時,還回應說:「喺屋企。」



不過,當問到傳聞指二人最近感情似乎不太好時,張利華則表現得有點勞氣:「點解你哋成日都要傳我,係咪你哋傳我?其實我哋一家人好好,啱啱先過完生日,一家人食飯。」



之後她還停步,企定定向記者表示:「我都想澄清一下,我都希望你哋唔好亂寫我,即係我哋屋企……咁個個屋企都會嗌交㗎嘛係咪呀,但唔畀你哋傳嚟傳去,添油加醋。」



接着,記者再追問她和老公關係是否好好?張利華便謂:「好好㗎我哋,即係我哋都希望你哋(傳媒)停止傳呢啲是非,我都想搵你哋澄清,你哋咁樣傳其實好攻擊我哋,好抹黑我形象,我帶個小朋友出嚟,成日都湊住個女,我而家做嘢,得閒就湊住個女,但唔見你哋寫,我先生出嚟,個個都認得佢,咁你哋會寫佢啦,都冇所謂,咁但係我都有湊小朋友,我都係一個媽咪,點會唔愛個女?所以都希望停止不實報道,如果再有呢啲報道,真係交畀律師處理。」



張利華又表示:「因為傳咗咁多次我都冇出嚟澄清過,覺得已經有啲過份,已經傷害到屋企,即係個個屋企都嗌交,呢個好正常,但我哋嗌完交,解決咗就算,都希望你哋幫幫手,唔好再寫喇!」成功發洩完,張利華再去附近櫃員機提款,離開時還微笑着向記者揮手,然後便駕車返回西貢獨立屋。



至於魏駿傑日前接受《蘋果》訪問,被問到和太太婚姻問題時,他說:「唔答喇!」追問他是否有事?他回應謂:「唔係有事,就係唔答啫,唔答唔代表有事㗎嘛。唔好意思。」



採訪、攝影:吳耀輝、孔志豪



------------------------------

【每周送10萬】

升級壹會員獨家尊享,立即參加10萬火急大抽獎!

*推廣生意的競賽牌照號碼:52302-9



攝影:吳耀輝、孔志豪 張利華聽到傳她和魏駿傑婚姻出問題,有點勞氣。 張利華聽到傳她和魏駿傑婚姻出問題,有點勞氣。
張利華稱自己都有照顧女兒,只是沒被影到。

張利華稱自己都有照顧女兒,只是沒被影到。
離開時與記者揮手道別。

離開時與記者揮手道別。
張利華當日嘆茶都悉心打扮。

張利華當日嘆茶都悉心打扮。
和女友人傾足兩個多小時。

和女友人傾足兩個多小時。
日前魏駿傑帶女兒逛超級市場。(資料圖片)

日前魏駿傑帶女兒逛超級市場。(資料圖片)
早前傳婚變後,魏駿傑拖老婆公開咀嘴放閃。

早前傳婚變後,魏駿傑拖老婆公開咀嘴放閃。

鍾意就快D Share啦!