掃呢頁CODE去手機

2019年8月22日 星期四

張偉文:張偉文坐輪椅開騷 獲粉絲出錢醫病認好命 __,張偉文,

張偉文於9月底舉行一連三日嘅演唱會。「靚聲王」張偉文將於9月20至22日假伊利沙伯體育館舉行40周年演唱會,他表示正籌備當中,講到現時身體狀況,他大派 ...


張偉文於9月底舉行一連三日嘅演唱會。


「靚聲王」張偉文將於9月20至22日假伊利沙伯體育館舉行40周年演唱會,他表示正籌備當中,講到現時身體狀況,他大派定心丸指不俗,只是左腳還是經常神經麻痹,不能企太耐,而受訪當日見他無須依靠「戰車」,全程靠拐杖支撐,問到情況是否有好轉?他卻笑說︰「今日冇坐啫!其實要坐,行得耐隻腳會冇力,就要輪椅輔助,到時架輪椅可能會上台,到時會做一個斜路上、落舞台,就可以走近啲觀眾握手Say Hi。(依家覆診次數密?)唔密,一個月一次,但藥就要日日食。」

「唔會有奇迹出現」

縱使不能再雙腳站台演唱,但張偉文完全沒感氣餒,絕對體現「小小苦楚等於激勵」精神︰「有觀眾我就繼續唱,會唔捨得佢哋,歡呼聲就係最好嘅支持,如果唔唱歌我都唔知做咩好,除咗唱歌就冇做過第二樣嘢,依家市道又唔好,做監製又唔啱,惟有出動自己,想辦法唱到咪盡量唱。」嘗試做運動訓練雙腳?他坦言︰「情況都幾嚴重,唔係做吓運動就得,一個演唱會都要3個鐘,唔會有奇迹出現,都係坐住架輪椅遊嚟遊去,坐喺度都唔影響我唱歌。」

粉絲出錢相助醫病

出道40年,他自認比其他歌手好命︰「唱片有80%都係好,呢個係好難,你見到有啲歌手可能出過一、兩隻碟就冇咗影,一出新歌老闆都冇蝕本,就一直做落去,所以覺得自己係好幸運,鍾意唱歌又可以向人表演,仲唔止一次,真係非常滿足!有腰患、腳患呢啲,我覺得係應該忍住!」他更大爆有粉絲出錢相助醫病︰「佢哋有啲會畀大利是你,非親非故都對你好,係一種鼓舞。唔好話攞人呢啲恩惠好貪錢,人哋真係點都要千方百計咁寄畀你,有好多歌迷都係朋友,住四面八方都嚟聽我唱歌,整親都仲有人聽你唱歌,你仲怨咩?」

搬往泰國居住

提到去年完成巡演後,曾表示想移居到泰國芭堤雅,他承認有實現願望,於當地居住近8個月,不過就笑說語言不通是最大問題︰「學唔到泰文,好難同當地人打成一片,如果畀多啲時間我去學或者都會學識。(之後再住?)會,因為唔係用好多錢,最容易負擔,醫院設備又完善。」

---------------

立即參加「賞您睇」: https://tinyurl.com/y2e6pmwk

Click下面粒掣,儲on.cc coins!機票、家電、超市禮券、過萬份獎品等緊你。




來源 source: http://hk.on.cc
鍾意就快D Share啦!