掃呢頁CODE去手機

2019年8月6日 星期二

【中環人語】匯控CEO人頭落地 調查華為惹禍 __,華為,

【中環人語】匯控CEO人頭落地調查華為惹禍17小時前何解獅子銀行中期業績都算交到功課,CEO范寧都要即時起身?一句講晒,得罪大陸就冇好下場。金融海嘯之 ...


  • 【中環人語】匯控CEO人頭落地 調查華為惹禍
  • 17小時前




何解獅子銀行中期業績都算交到功課,CEO范寧都要即時起身?一句講晒,得罪大陸就冇好下場。金融海嘯之後,被美國佬罰錢罰到腳軟嘅匯豐,原來係2016至2017年已經開始配合美國司法部,調查華為,最終令美國司法部「有位入」,順利令孟晚舟在加拿大被扣起,須知道加拿大匯豐係report俾美國匯豐嘅,而美國滙豐CEO早於上月突然宣佈退休起身。此舉似乎係獅子銀行向大陸叩頭,六月中獅子銀行先至宣佈在美國大舉擴張開50間分行,聘請三百人,但唔夠一個月就宣佈美國匯豐嘅CEO Patrick Burke要退休,但斬一件仍唔夠數,八月初《北京日報》已經明示不滿匯豐「過料」俾其他國家,外交部華春瑩更暗示分分鐘踢滙豐入「不可靠實體清單」,秤一秤之下匯豐既然以大陸作為economic engine,唔換個識得同大陸打交道嘅CEO,又如何有運行呢?

撰文:宗菁華

鍾意就快D Share啦!