日前旺角遊行部份示威者走到尖沙嘴天星碼頭，有人將五支旗杆上的國旗除下丟入維港，事件引起前特首梁振英懸賞港幣1百萬元，呼籲公眾向警方提供線索，昨日央視新聞貼出一張五星國旗照，寫「五星紅旗有14億護旗手」，除了大陸藝人在微博為國旗護航之外，有部份香港藝人都爭相加入「護旗手」行列，在微博貼國旗表忠。
一直支持反送中運動的杜汶澤，於個人fb以「每個人一生中總會遇到幾個人渣」為題，不點名怒斥：「其實你已經搵咗好多錢唔使再窮乜X嘢叫『我是護旗手』呀？枝旗跌落海你唔X跳落去執仆街！X你咪X再呃香港人錢呀！」更表示今日是6月以來「最嬲係今日。」
而曾經在微博轉發聲稱自己是「護旗手」的香港演藝界，就包括有成龍、Angelababy、劉愷威、陳小春、陳曉東、陳勳奇、何超蓮、陳偉霆、吳亦凡、王嘉爾，今日導演彭浩翔都加入行列，他們的行徑討好了大陸網民，但卻令香港人好失望，留言批評：「投機取巧」。
此外，韓國男團GOT7香港成員王嘉爾（Jackson）前日亦在微博留言自稱「我是護旗手」，即時引發中港兩批網民展開罵戰，有香港網民直言對Jackson感到失望，亦有網民指GOT7將於月底在亞博館開騷，號召網民到時去機場接機。
杜汶澤其後更在facebook再指：「對唔住之前我無開名可能令蘋果誤會咗，我無鬧其他人，因為嗰班人主要係做大陸人生意嘅，我無意見，無感受，亦唔意外。我係X你彭浩翔一個啫！因為你自己投資拍賀歲就標榜自己為香港人而拍，咁X有型？叫人支持本土電影？喺香港同你個出人血饅頭 t-shirt 嘅兄弟鄒凱光開 talk show 賺香港人錢？你有乜資格喺我面前X王晶呀？王晶至少夠膽講佢唔志在香港市場！好你多多聲！我真係睇住你大睇住你壞呀！仆X仔！喺呢個時期，你做一樣咁傷害香港人感情嘅事，我絕對唔會原諒你！」
------------------------------
【每周送10萬】
升級壹會員獨家尊享，立即參加10萬火急大抽獎!
*推廣生意的競賽牌照號碼：52302-9
|
鍾意就快D Share啦！
|
|
|