網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2019年9月5日 星期四

【田蕊妮個女】林凱恩做過餐廳打雜 入行同「池子孝」秘戀兩年 __,林凱恩,田蕊妮,

憑《開心速遞》入面嘅Bonnie,令15年港姐林凱恩開始入屋。最近佢喺《她她她的少女時代》,做阿田個女出位。劇中佢係女追男,追得好辛苦。現實呢?呢個新 ...




憑《開心速遞》入面嘅Bonnie,令15年港姐林凱恩開始入屋。

最近佢喺《她她她的少女時代》,做阿田個女出位。劇中佢係女追男,追得好辛苦。現實呢?呢個新上位大台小花,男友就係《開心速遞》「池子孝」,真名阮政峰。

今年27歲,俾網民話佢似佘詩曼少女版嘅林凱恩,同麥明詩同屆港姐,不過只係攞友誼小姐名銜。前幾年喺《開心速遞》演Bonnie,開始有啲人氣之外,喺呢個劇佢仲搵到另一半。

正當外界以為劇中飾演情侶嘅「熊心如」同「池子孝」,戲外成日喺ig放閃,以為兩個戲假情真!查實只係煙幕,林凱恩先至係「池子孝」嘅真.女友,兩個秘密拍拖兩年。為保護戀情,兩個不時孖埋其他演員同行做掩護。

林凱恩男友阮政峰唔係一個普通演員,佢係太極武術大師李暉嘅徒弟,入行前已經係導師,開班教太極。11年參加《功夫新星》比賽節目,正式成為大台藝員。之後佢倆喺《開心速遞》合作擦出愛火,兩年嚟寓工作於拍拖。不過呢對情侶,早排剛剛分手,由拍拖到分手,呢段感情都極之低調!

咪睇林凱恩外型瘦削又嬌滴滴,其實幾捱得。選港姐之前,曾經喺中環太子大廈,好多名人幫襯,老闆係時尚名人郭志怡嘅餐廳Sevva打工。唔好以為佢生樣貌標緻,一定安排佢做侍應,錯喇!佢係做打雜。

有餐廳職員爆料,指喺Sevva打過工嘅林凱恩,要求自己唔做樓面,於是安排咗佢做廚房打雜,連倒垃圾都要做。

堂堂一個城市大學學生,屈就喺廚房做打雜!林凱恩唔單止冇怨言,仲做得鬼咁開心。爆料者稱,因為林凱恩性格內向,唔識對客,佢自覺做打雜啱佢多啲,況且當時佢係打緊暑期工,至在吸收經驗,賺下外快。

宅女性格唔主動,唔怪得外型有條件,喺大台撈咗四年,都只係默默做。直至《她她她的少女時代》呢個劇,網民先至真正留意佢。

至於佢嘅閏密,勁喇!就係同佢同屆港姐,當選季軍,依家係李澤楷女友嘅郭嘉文。

自從郭嘉文做咗「楷女郎」之後,同圈中人好似斷六襯,唯獨同林凱恩繼續密往,不時一齊下午茶,行街。睇嚟呢位友誼小姐,無論對男友抑或閨密,都好守得秘密。


鍾意就快D Share啦!