掃呢頁CODE去手機

2019年9月18日 星期三

【爆相爆片】方媛穿超短裙與老公掃名牌 郭富城笑老婆「好熱」 __,方媛,爆相爆片,郭富城,

(讀者提供圖片)
郭富城前年與方媛(Moka)結婚後兩年抱兩,太太先後誕下大女Chantelle和細女Charlotte,現分別2歲和4個月大。Moka生完細女不久已極 ...


郭富城前年與方媛 (Moka)結婚後兩年抱兩,太太先後誕下大女Chantelle和細女Charlotte,現分別2歲和4個月大。Moka生完細女不久已極速收身,月前她與城城出現馬場時身型fit爆,而夫婦結婚兩年以來恩愛非常,不時結伴逛街,日前便有讀者發現城城與Moka到銅鑼灣行街街,二人打情駡俏又傻笑一餐,甜蜜到爆。



讀者陳先生日前透過《蘋果》的「爆相爆片」報料,指日前下午4時許於銅鑼灣見到郭富城和太太方媛行街濕平。陳先生指當日最先見城城駕駛保時捷到利園停車場,之後再發現城城與太太搭lift到名店LV購物。陳先生說:「佢哋一齊入lift,佢太太同城城講完自己條裙『好短呀』,城城就話『好熱』,兩個講完之後就喺度傻笑,好無聊都笑一餐。兩個係講國語傾偈嘅。之後佢哋一出lift就入去LV,主要睇鞋,我見佢哋兩個都有坐低試,有兩、三個sales服侍佢哋。其間佢老婆曾經返去車度攞嘢再上返去,我喺舖頭外面等咗半個鐘,佢哋都仲睇緊嘢,所以我都冇再等落去。」



就讀者提供片段所見,城城穿着深藍色tee襯牛仔褲,Moka就白色tee襯黑色超短裙,夫婦分別孭住背囊,打扮十分casual 。



-----------------------------

【撐學生】

召集有心人 撐學生全年睇《蘋果》

立即按此



(讀者提供圖片) 城城等lift(讀者提供圖片) 城城等lift(讀者提供圖片)
城城與太太日前到銅鑼灣購物。(讀者提供圖片)

城城與太太日前到銅鑼灣購物。(讀者提供圖片)
城城笑太太穿超短裙「好熱」。(讀者提供圖片)

城城笑太太穿超短裙「好熱」。(讀者提供圖片)
方媛指自己穿的裙子很短。(讀者提供圖片)

方媛指自己穿的裙子很短。(讀者提供圖片)
方媛產後極速收身。(讀者提供圖片)

方媛產後極速收身。(讀者提供圖片)
兩夫婦在名店內不停試鞋。(讀者提供圖片)

兩夫婦在名店內不停試鞋。(讀者提供圖片)
今年7月二人現身馬場。(資料圖片)

今年7月二人現身馬場。(資料圖片)

鍾意就快D Share啦!