網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2019年9月28日 星期六

范冰冰:宣布同范冰冰合作遭圍攻 品牌急刪代言相 __,范冰冰,

范冰冰想復出不知要等到何年何月何日!內地女星范冰冰曾經紅極一時,但經歷上年嘅逃稅風波後,即刻由神壇打落谷底,完全消失人前。今年一直努力諗辦法復出嘅范冰 ...


范冰冰想復出不知要等到何年何月何日!


內地女星范冰冰曾經紅極一時,但經歷上年嘅逃稅風波後,即刻由神壇打落谷底,完全消失人前。今年一直努力諗辦法復出嘅范冰冰,呢日終於傳出好消息,一個國際知名嘅大品牌喺微博宣布佢成為代言人,前路睇落有曙光,點知隔咗冇耐,品牌突然刪除晒所有范冰冰嘅相,睇嚟呢次合作都凍過水!


成件事嘅逆轉都係喺半日內發生,有指大品牌係因為被海量嘅網民圍攻,質疑品牌有咁多明星可以揀,點解係要用有「污點」嘅呢?仲指摘品牌呢種手法無非都係想借范冰冰復出相互炒作,品牌見到群情洶湧,最終選擇跪低刪除晒所有范冰冰嘅代言相。


其實范冰冰復出之路受阻都唔係第一次,好似佢去西藏行善探訪病童,遭內地官媒公開指想用「行善洗白」。今年5月原定出席一個互聯網活動,大會發放嘅宣傳海報確實有范冰冰,過咗兩日大會嘅海報換咗一批新之後竟然唔見咗范冰冰,佢原本安排行紅地氈同埋上台嘅流程全部消失,最終只係做一名觀眾坐喺台下睇表演。內地復出連番受挫,諗住去荷里活發展,傾好咗一套由荷里活一線女星合演,以全女班特攻做主線嘅電影《355》,套戲今年7月已經喺法國開拍,但係范冰冰一直都留喺國內,有傳佢被限制出境,所以要靠替身頂上,再以「AI換臉」技術代替進行拍攝!


---------------
立即參加「賞您睇」:https://tinyurl.com/y2e6pmwk
Click下面粒掣,儲on.cc coins!機票、家電、超市禮券、過萬份獎品等緊你。



來源 source: http://hk.on.cc
鍾意就快D Share啦!