掃呢頁CODE去手機

2019年9月18日 星期三

蔡少芬:被朱茵嗌再生多個!大肚蔡少芬:啋過你 __,朱茵,蔡少芬,

朱茵嗌蔡少芬再生多個。藝人蔡少芬(Ada)昨日(17日)46歲生日,適逢是其所屬經理人公司新辦公室開幕日,旗下一眾藝人包括Ada老公張晉、朱茵、鄧麗欣 ...


朱茵嗌蔡少芬再生多個。


藝人蔡少芬(Ada)昨日(17日)46歲生日,適逢是其所屬經理人公司新辦公室開幕日,旗下一眾藝人包括Ada老公張晉、朱茵、鄧麗欣(Stephy)、原子鏸丶歐倩怡和戚其義等,一齊為壽星女Ada送上驚喜,佗B的Ada人逢喜事精神爽,以一襲白色連身裙到場,神采飛揚,十足開籠雀一樣,滿場飛跟其他人分享佗B心得。席上朱茵祝賀Ada,笑言叫Ada再生多個,成為「多產」藝人,Ada聞言即說:「啋過你!呢啲『多產』我唔要,工作嗰啲『多產』我就要。」之後Ada說:「同朱茵大家咁話,叫佢追多個先,而Stephy就快啲結婚我就夠喇,冇手再抱,我老公要留番一隻手攬我,所以我封肚,生埋呢個夠晒數。」


數全場溫馨之最,當然是張晉為太太Ada驚喜送上一束46支玫瑰和粉紅蛋糕,別具心思,還親手撰寫生日卡,逗得Ada笑到四萬咁口,Ada情不自禁不時向張晉送吻,羨煞旁人。事後Ada說:「佢記得我生日,仲準備咁大束花,已經好開心!」問到張晉可有送禮物給她?她說:「對上一次收禮物已經係聖誕節,當時佢送咗個手袋畀我,其實好感恩,我哋兩個都冇乜物質缺乏,買禮物都係為咗氹吓對方,佢仲話我今年都冇送生日禮物畀佢。」


提到生日願望,Ada表示最緊要是平平安安生個健康BB,而問到Ada跟張晉可有特別慶祝活動?她透露撇低兩位女兒張楚兒、張信兒,與張晉食飯共度二人世界:「有朋友送咗一間酒店房畀我哋,所以我要撇低兩個女,好好去享受,佢哋朝早已經同我講咗生日快樂,仲叫我玩得開心啲,佢哋兩、三個星期前已經送咗生日禮物畀我,佢哋將自己鍾意嘅玩具放落鞋盒送畀我,不過轉個頭就攞走晒。」
---------------
立即參加「賞您睇」: https://tinyurl.com/y2e6pmwk
Click下面粒掣,儲on.cc coins!機票、家電、超市禮券、過萬份獎品等緊你。



來源 source: http://hk.on.cc
鍾意就快D Share啦!