掃呢頁CODE去手機

2019年9月2日 星期一

【中佬狂襲連儂牆】掌摑完仲話要斬人 惡爆中佬摸完少女:我係非禮你呀 __,連儂牆,

連儂牆遍地開花,每晚各區接二連三,出現中老年人士襲擊連儂牆年輕人事件,部分被捕後未被起訴,年輕人亦沒有因襲擊事件而忌諱,繼續撕一貼百。記者在網上隨機抽 ...




連儂牆遍地開花,每晚各區接二連三,出現中老年人士襲擊連儂牆年輕人事件,部分被捕後未被起訴,年輕人亦沒有因襲擊事件而忌諱,繼續撕一貼百。記者在網上隨機抽樣找了三個個案的當事人、連儂牆年輕人、街坊,嘗試重組事件及了解各方想法。

三件事件皆在本月晚上或凌晨發生,分別在元朗西鐵站連儂牆, 將軍澳富寧花園隧道連儂牆,將軍澳尚德商場門外,當事人或相關朋友指出每日皆有「撕紙王」,而襲擊者通常滿身酒氣。

以元朗西鐵站連儂牆為例,一名中年大叔掌摑一名年輕人後,其友人追上去理論及後出現肢體碰撞,最後中年大叔及其友人同時被捕。「我哋成班手足喺度傾計,阿叔行過嚟,有啲飲醉咗,用手掌摑咗其中一個手足嘅面部,我手足未郁手,跟到去上面(電梯),問發生咩事,自稱共產黨人士,會班馬,問候我哋嘅手足,當我哋手足想同佢傾計時,佢用手推開,肢體碰撞,有個手足就咁被拉咗。」阿陳是長期於連儂牆貼文宣的年輕人,亦是被捕「手足」的朋友,重提事件亦感到萬分無奈。

只不過貼幾張紙在方牆上,不暴力不衝擊,但也隨時都會被打被捕,會怕嗎?「不會!」近乎每個人都眼神堅定地這樣回答。

阿L亦是被捕「手足」的朋友,雖然是女孩子,無論任何崗位也無所畏懼,比男孩子更勇敢,「唔會令我唔再貼連儂牆,佢哋咁做就係想令我哋驚,點解我仲要驚佢,如果我哋連連儂牆都唔繼續搞落去,市民其實唔知網上流傳緊嘅消息或活動係幾時進行,如果我哋呢樣嘢都唔去做嘅話,對我哋之後嘅抗爭路程係無幫助。」

「當然有(指罵),但唔同人有唔同意見,我哋用文字嘅方法對佢哋,佢哋會用聲音同暴力對待我哋對自由嘅睇法,我哋先會知呢班大叔嘅水平係咁『高』!」阿陳不忿地搭嘴。

站在前線面對任何事情也不會怕的年輕人,不會害怕連儂牆阿叔,因為更多事情比自身利益和安危更重要。

翌日晚上,將軍澳富寧花園連儂牆,一名中年男人對戰三名年輕人,粗口橫飛,挑釁動武,指手畫腳,片段中年輕人表示身體有損傷 。記者回到事發現場,有街坊把該男人的照片貼滿連儂牆上,叫街坊「認住佢」,警方表示此事件未有報案紀錄。

「反對嘅話我覺得可以傾,唔需要咁暴力,佢哋話我哋成日出去遊行,佢哋都話我哋暴力嘅時候,佢哋依家自己做緊嘅嘢,更加係暴力嘅行為」,「唔關你有無立場事,本身你打人呢件事已經係錯,我覺得係可以傾,唔需要去到郁手打人」,中六的黃同學於附近居住了16年,當晚發生事件後有到現場,惟所有人已離開,認為用暴力對待貼連儂牆的人太過份。

社福界的梁小姐於附近居住了15年,認為每個人都有自己的意見, 會有連儂牆的出現,因為政府太差,所有人做任何事都沒有回應,「每個人都有唔同嘅聲音,有啲係黃絲,有啲係藍絲,但我覺得大家都要互相尊重。你話出手打人或者有傷,我覺得始終都唔係咁好,同埋有意見都未必要做到呢一步。」

上周三,將軍澳尚德廣場門外,亦有一名中年女人醉酒後,無差別襲擊十多名街坊,包括抓臉、抓頸、掌摑,將軍澳民生關注組義務總幹事葉嘉榮是其中一名受襲者,表示放上網上的片段是襲擊後拍攝。

他指,當時見到一男一女,推推撞撞,捉着附近的年輕人,場面混亂,當時女人失控地搗亂,他不想街坊受傷,他行了出來,結果首當其衝被該名女人摑了兩巴,「當時有十幾個人被佢打過,後來願意出來驗傷同作供,一共五個,包括我。有位阿哥有驗傷,頸部被抓傷紅了,頸鏈斷了,戒指不見了,女人抓人、推撞、用手掌摑人,會捉住別人的衣領,令對方無法呼吸」。

當晚十多名街坊被襲,最後只有五人願意驗傷及作供,除了葉嘉榮,另有兩名一男一女的年輕人,兩名男子。警方表示兩名被捕人士嫌襲擊致造成實際身體傷害被捕,二人尚未被起訴,正保釋候查。

採訪:梁佩珊

攝錄:張玉靈

詳情:http://bit.ly/2YBCug0

鍾意就快D Share啦!