網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2019年9月11日 星期三

【扭轉未來】挾「李佳芯男友」身份拍劇 陳炳銓︰冇睇我劇嘅人都識我 __,李佳芯,陳炳銓,

(攝影︰林賓尼)
「李佳芯男朋友」陳炳銓早前接受訪問,為他主演的ViuTV劇集《理想國》宣傳,回想張晉憑《一代宗師》馬三,擺脫「蔡少芬老公」稱謂、張繼聰最後亦順利「認祖 ...


「李佳芯男朋友」陳炳銓早前接受訪問,為他主演的ViuTV劇集《理想國》宣傳,回想張晉憑《一代宗師》馬三,擺脫「蔡少芬老公」稱謂、張繼聰最後亦順利「認祖歸宗」,不再「謝繼聰」。論名氣陳炳銓不及擁視后名銜的女友,有網友就以「嗰個茄喱啡」稱呼陳炳銓,痛過傷過自言忍痛能力特高的他,確實跟過「霞姨」搵食,做過臨時演員,他說︰「嗰陣同時做緊幕後、舞台嘅時候,都有做啲老臨特約,都幾得意,第一次拍係同吳鎮宇、容祖兒套《神經俠侶》,當時係過鏡,唔好講角色,只係街坊行過。之後第二套係張栢芝、劉青雲嘅《最愛女人購物狂》,嗰次就升級做咗特約,做個security阻住青雲唔畀佢入去。」他表示特約跟臨時演員的分別,臨時演員未必有對白,鏡頭亦未必拍到,價錢會較平、約300元左右,他說︰「特約由88蚊起錶,一定有飯盒嘅,唔好講得咁慘。帶我嗰個唔係『霞姨』係陳太。後來先發現間公司係田生田啟文有份開,原來佢做過我老闆。」他演出過的電影包括《八星抱喜》、《大搜查之女》等。



雖然學院資歷一點也不輸蝕,在加拿大的大學畢業,主修舞台設計及後再進修表演藝術,但知名度始終有距離。外貌亦是網友攻擊目標,每趟訪問都會「搭單」問起女友︰「嗰啲唔會刻意在意,我知發生緊乜嘢事,早喺我介唔介意之前,已經stop咗佢。本身比較捱得小小痛,都會痛嘅,人嚟嘛。你話唔面對又好、逃避都好,睇完個標題就算。喺佢冇咁紅時,已經學習緊乜嘢叫工作同壓力。只可以話每個人有唔同嘅步伐,我哋行嘅步伐有分別。而方向都有分別,唔可以咁秤。你唔可以話紅豆沙好食過綠豆沙,唔會咁樣比,只有各自各行嘅路。係有啲淡口啲,有啲濃口啲嘅,咁咪work囉。」講到「李佳芯男友」是一個不能逃避的身份,他說︰「我唔介意係其中一個身份,我會覺得喺娛樂圈,可能透過呢個位,就算冇睇我啲劇都可以開始認識,我唔concern係咪李佳芯男朋友嘅身份。」



在ViuTV的《理想國》其中一個單元,戲中陳炳銓可以選擇消除記憶,現實中他想所消除的,或許是童年成長的陰影,他說︰「我11、12歲去咗加拿大讀書,喺親戚屋企住。寄人籬下,總有啲心情唔協調,會亂諗嘢。當時係媽咪問我去唔去外國讀書,我話『梗係去啦』,其實佢係驚我唔識獨立,而佢係有啲事要處理。事後知道原來媽咪有cancer,做完手術至話我知,又同我講啲身家托管咗畀邊個。」陳炳銓形容該段日子是急速成長,過程中總會亂諗,可以「消除」會是最好,但不諱言某程度,令自己更加硬淨︰「黑人朋友、白人朋友總會有唔同歧視,都係訓練緊你EQ,因為你要適應緊人哋地方,你要入鄉隨俗,要瞭解人哋價值。當然亦唔可以扭曲自己。一步步train番你,對自己有提升,訓練成我比較捱得小小痛,都痛嘅,人嚟嘛。」



陳炳銓捱得痛,凡事去到盡,運動場上一個字「博」。踢波搏最後斷腳收場,斷十字韌帶、半月板撕裂,打籃球搏,後果是膝蓋移位,他輕描淡寫的說︰「玩運動我好投入,唔收嗰種,而家兩個膝頭都做晒手術。」他不諱言是借運動去發洩壓抑的情感,最後要借15年一部自編自導自演的舞台劇《玩死卓別靈》釋放。陳炳銓將童年到長大一段未能釋懷的情感傾注劇中,作品完成他亦跟過往告別︰「又唔可以話埋葬,係將啲壓抑、搞唔清嘅喺個騷度講出嚟。」



另外,女友因在網上支持反送中,被內地網民聲討,同時被公司雪藏,作為男友的陳炳銓說︰「未去到好瞭解,公司都同佢處理緊,留番畀佢講會準確啲。」



-----------------------------

【撐學生】

召集有心人 撐學生全年睇《蘋果》

立即按此



(攝影︰林賓尼) 運動是他釋放壓仰的方法。 運動是他釋放壓仰的方法。
 打波搏命令他雙膝都受過傷做手術。

打波搏命令他雙膝都受過傷做手術。
他覺得表演藝術沒有貴賤之分。

他覺得表演藝術沒有貴賤之分。
陳炳銓自言「李佳芯男友」是不能改變的身份。

陳炳銓自言「李佳芯男友」是不能改變的身份。
陳炳銓跟楊淇有親熱戲。(《千針百孔》劇照)

陳炳銓跟楊淇有親熱戲。(《千針百孔》劇照)
在ViuTV《理想國》當中一個單元,跟楊淇演小夫妻。(《千針百孔》劇照)

在ViuTV《理想國》當中一個單元,跟楊淇演小夫妻。(《千針百孔》劇照)

鍾意就快D Share啦!