2019年9月14日 星期六

【原諒張致恒】關智斌張敬軒台上相擁 歌迷瘋狂大嗌「咀嘴!結婚!」 __,張敬軒,張致恒,關智斌,

一連兩場的關智斌(Kenny)首個紅館處男演唱會《KENNYisBORN關智斌演唱會》,昨晚於紅館舉行,全場爆滿。相關新聞:【歌迷完騷叫口號】關智斌唱 ...


一連兩場的關智斌(Kenny)首個紅館處男演唱會《KENNY is BORN 關智斌演唱會》,昨晚於紅館舉行,全場爆滿。

相關新聞:【歌迷完騷叫口號】關智斌唱《眼紅館》自嘲「趕客」 送肉照回饋



Kenny以全白西裝表演色士風獻唱《分手不要太悲哀》後,唱出《情陷百老匯》,此時全黑打扮的密友張敬軒以鋼琴伴奏,Kenny倚琴合唱,兩人一黑一白,非常合襯。軒仔的出現,更令全場陷入瘋狂。



軒仔說:「歡迎大家嚟到相敬如斌演唱會,呢個年代上網講下就有㗎啦,係呢,我哋係咪應該攬下㗎?」兩人明顯有點尷尬,只是蜻蜓點水式互相抱抱。軒仔很開心成為Kenny個唱的嘉賓,Kenny說:「我其實都有啲嘢想講,平時你講嘢我都冇得講㗎嘛。」軒仔即煞有介事說:「咩平時呀?」然後又一面正經,大讚Kenny付出了很多,今天這個紅館演唱會是他應得的。說罷,歌迷又再度起哄,軒仔沒好氣地說:「都唔知你哋嗌乜,睇波咩而家?」台下觀眾即大叫「咀嘴」、「結婚」,但是由於太哄動,兩人聽不到台下呼召,於是繼續兩人對談。

相關新聞:【紅館處男騷】關智斌被容祖兒摸勻全身 古巨基代張致恒做合唱拍檔



軒仔又笑指Kenny向來節儉:「我哋做嘉賓呢,老毛都冇一封㗎嘛,平時都有燒肉、生果喺房,今日乜都冇。」Kenny一面茫茫反問他:「乜唔係你安排咩?」全場再度起哄,軒仔緊張澄清不是他負責,又搞笑說:「有鬼呀呢個台,鬼拍後尾枕。」



軒仔逐叫工作人員帶來巨型果籃,他隨手拿起寫有KK的支裝煉奶:「Kenny Kwan呀嘛,好彩你唔係姓容咋,嗱,你哋識笑嗰啲全部都心邪呀。」他又準備了火龍果,語帶相關地說:「火龍果,好似我咁有益呀,食咗就。」全場又再一次瘋狂歡呼。



兩人後來合唱《笑忘書》,期間他們齊齊眼濕濕,唱畢後更緊緊擁抱。張敬軒感觸表示Kenny北上發展時,面對了很多困難:「作為喺佢身邊嘅,我覺得佢係玩命嘅,佢同容祖兒一樣都係攞條命嚟較飛。人生有好多愛係可以不斷昇華嘅,好似今晚咁,大家將呢份愛化做對Kenny嘅支持。」



Kenny又換上珍珠閃閃套裝獻唱《代表作》,他說:「其實BOYZ只係成立咗兩年,跟住我哋就拆咗夥各自發展,公司對我好好,揾咗阿Y(黃偉文)幫我填咗呢首歌嘅歌詞,呢首歌係我到而家為止最後一首廣東歌。」Kenny自言知道自己天資有限,但今晚已經盡了全力:「我一直以為人生係加法,不停追求想要嘅嘢,但因為呢個騷,我喺度諗人生會唔會其實係一種減法呢?減去咗我嘅青春,我嘅笑容、同你共同拼命嘅隊友,當仲有人好好喺你身邊支持你嘅時候,你一定要好好珍惜,所以今晚我一定永世難忘。」接着唱出張敬軒為他作曲的《預言書》,其間終於忍不住流下男兒淚。



Encore期間,Kenny主動重提拍檔張致恒(Steven):「呢個本來係BOYZ嘅演唱會,發生嗰件事,好多人問我有冇嬲?其實我係失望多啲,Steven第二日已經打咗畀我,好鄭重咁同我道咗歉,嗰刻我已經冇嬲。我好擔心佢,唔知佢點面對日後生活,我唔係想叫大家原諒佢,亦未必好適合由我嚟講值唔值得原諒。佢係我出生入死嘅好兄弟,大家一齊住一齊玩,當中好多汗水、淚水,都只係我哋先體會到,經歷埋呢兩個月嘅事,我更加感觸,亦有少少遺憾,但係我都想用我寫畀BOYZ嘅呢首歌《大男孩》作為最後一首歌。」全場大合唱,場面感人。



採訪:盧妹

攝影:陳俊強



-----------------------------

【撐學生】

召集有心人 撐學生全年睇《蘋果》

立即按此

-----------------------------

《囚牢之疆》專頁

揭開集中營邪惡面紗

今日新疆 明日香港





Kenny以全白西裝出場,全黑打扮的密友張敬軒以鋼琴伴奏。 Kenny以全白西裝出場,全黑打扮的密友張敬軒以鋼琴伴奏。
軒仔的出現,更令全場陷入瘋狂。

軒仔的出現,更令全場陷入瘋狂。
兩人明顯有點尷尬,只是蜻蜓點水式互相抱抱。

兩人明顯有點尷尬,只是蜻蜓點水式互相抱抱。
軒仔很開心成為Kenny個唱的嘉賓。

軒仔很開心成為Kenny個唱的嘉賓。
軒仔更為Kenny準備禮物。

軒仔更為Kenny準備禮物。
軒仔逐叫工作人員帶來巨型果籃,他隨手拿起寫有KK的支裝煉奶。

軒仔逐叫工作人員帶來巨型果籃,他隨手拿起寫有KK的支裝煉奶。
兩人後來合唱《笑忘書》,期間他們齊齊眼濕濕。

兩人後來合唱《笑忘書》,期間他們齊齊眼濕濕。
Kenny又換上珍珠閃閃套裝獻唱《代表作》。

Kenny又換上珍珠閃閃套裝獻唱《代表作》。
Encore期間,Kenny主動重提拍檔張致恒,表示一早已經原諒對方。

Encore期間,Kenny主動重提拍檔張致恒,表示一早已經原諒對方。
Encore期間,全場大合唱,場面感人。

Encore期間,全場大合唱,場面感人。

鍾意就快D Share啦!
Related Posts Plugin for WordPress, Blogger...