網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2019年9月5日 星期四

英超Fever:曼聯1月救亡!蘇B鐵定重錘搶艾歷臣 __,曼聯,

(GettyImages)曼聯錄得自92年後開季最曳成績後,領隊蘇斯克查知道球隊實力不足,已鐵定於1月力搶熱刺星級中場基斯甸艾歷臣,以取代表現低迷嘅連 ...


(Getty Images)


曼聯錄得自92年後開季最曳成績後,領隊蘇斯克查知道球隊實力不足,已鐵定於1月力搶熱刺星級中場基斯甸艾歷臣,以取代表現低迷嘅連格。今夏紅魔鬼曾出7000萬鎊力斟艾歷臣,但後者卻拒絕加盟,因為佢心繫皇馬;但皇馬明顯係想收購保羅普巴,《每日鏡報》指艾歷臣唔想熱刺一蚊都收唔到,故將考慮加盟曼聯。因為艾歷臣季尾就滿約,所以紅魔將以5000萬鎊左右作出斟介。


曼聯今夏先解決後防問題,以過億鎊購入哈利馬古尼及雲比沙卡,另外新仔丹尼爾占士亦表現不俗,紅魔鬼總算搵到收購方向。蘇斯克查希望組青春班,但球隊始終冇一個老大哥睇住,保羅普巴亦唔係呢類人才,而最大問題係連格唔生性,於19年都仲未有任何入波同助攻,中場一日搞唔掂,紅魔鬼莫講話要追上曼城同利物浦,要爭前4亦相當困難。


《每日鏡報》報道,曼聯於一月將會再次出手,希望搵到連格接替人選,於士砵亭中場、葡萄牙國腳波基斯費南迪斯,以及艾歷臣當中,蘇斯克查揀咗後者,因為該名丹麥中場有英超經驗,而且佢即將滿約,可以向熱刺壓價。


早前歐洲轉會窗未閂,熱刺領隊普捷天奴亦坦言唔知艾歷臣會唔會於短時間離開,因為艾歷臣擺明希望離隊,亦拒絕簽新約,相信熱刺已打定輸數會失去呢名好波之人。熱刺為免人財兩失,故會考慮於1月放人。艾歷臣方面始終希望轉投皇馬,但皇馬領隊施丹擺明只想要保羅普巴,剛過去轉會窗皇馬從無向熱刺了解艾歷臣情況,故《每日鏡報》表示,艾歷臣會面對現實,考慮轉投曼聯。艾歷臣無論實力、卡士、經驗,都遠遠在連格之上,如果曼聯能成功買入,整體戰鬥力必顯著提升。


立即參加「賞您睇」:https://tinyurl.com/y2e6pmwk 
Click下面粒掣,儲on.cc coins!機票、家電、超市禮券、過萬份獎品等緊你。



來源 source: http://hk.on.cc
鍾意就快D Share啦!