掃呢頁CODE去手機

2019年9月28日 星期六

英超Fever:本田圭佑自薦踢曼聯:冇人工都得! __,曼聯,

(互聯網)日本巨星本田圭佑,自完成18/19澳職球季後就未有班落,近日佢發動自救計劃,喺社交網站向曼聯毛遂自薦,希望紅魔鬼會畀份合約佢!呢名98次代表 ...


(互聯網)


日本巨星本田圭佑,自完成18/19澳職球季後就未有班落,近日佢發動自救計劃,喺社交網站向曼聯毛遂自薦,希望紅魔鬼會畀份合約佢!呢名98次代表日本國家隊射入37球嘅中場大將,話到明唔需要人工,只係希望可以效力一支偉大球隊,同一班超級球星並肩作戰,唔少魔迷都大聲叫好,話淨係簽佢嚟射罰球都抵番晒!


於職業生涯曾流洋莫斯科中央陸軍、AC米蘭、帕丘卡同墨爾本勝利嘅本田圭佑,現時係柬埔寨國家隊領隊,但好明顯依然好掛住球員時代嘅輝煌,並且希望盡最後努力加盟歐洲勁旅。近日本田於Twitter發功留言:「唔該畀份約我,我完全唔需要人工,我要嘅係效力一支偉大嘅球隊,同偉大嘅球員作戰!」之後佢仲標註曼聯,直接向紅魔鬼求合約。


本田於2018年世界盃,仲係有心有力,分組賽對塞內加爾射入1球,3屆賽事累積4個入球,成為世界盃史上入波最多嘅亞洲球員,而佢亦係唯一一個,能於連續3屆世界盃決賽周有入球、有助攻嘅亞洲人。唔少曼聯球迷見佢咁有心,都好想佢嚟拯救愛隊,仲話用佢嚟射罰球都抵番份約。依家曼聯中場缺人,唔知蘇斯克查會唔會堅諗諗佢呢?


立即參加「賞您睇」:https://tinyurl.com/yxa3a8z8 
Click下面粒掣,儲on.cc coins!機票、家電、超市禮券、過萬份獎品等緊你。



來源 source: http://hk.on.cc
鍾意就快D Share啦!