網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2019年9月14日 星期六

關智斌:開腔講張致恒 Kenny開騷有遺憾感觸爆喊 __,張致恒,關智斌,

人生第一次實難忘。關智斌(Kenny)於紅館舉行處男騷,期間戴上皇冠假髮的他唱出《代表作》,表示:「其實BOYZ只係成立咗兩年,跟住我哋就拆咗夥各自發 ...


人生第一次實難忘。


關智斌(Kenny)於紅館舉行處男騷,期間戴上皇冠假髮的他唱出《代表作》,表示:「其實BOYZ只係成立咗兩年,跟住我哋就拆咗夥各自發展,公司對我好好,搵咗黃偉文幫我填呢首歌詞,呢首歌係我到依家為止最後一首廣東歌,因為當時事業去到樽頸位,喺屋企坐咗兩年唔知做乜,覺得會唔會冇人需要我,都想過轉行,冇信心,好彩內地工作開始搵我,自己一個膽粗粗拖篋上去,離開生活圈,但都唔覺辛苦,因為有機會,所以好感恩,自己一個冇咗助手、經理人,但學識點照顧自己,一個人喺低谷係咩感受,呢個時候亦感受到愛,屋企人、親情、友情,慢慢搵返啲曙光。」


Kenny又講到:「以前BOYZ太細,好多歌詞唔知點解,到今日就明白好多嘢好似千斤重,人大咗想要好多物質嘢,但因為呢個騷,我喺度諗人生會唔會其實係減數,成長過程減去青春、笑容、曾經一齊共同拚命嘅朋友,所以當仲有人喺你身邊支持一定要好好珍惜,今晚我永世難忘。」隨即唱出由張敬軒為他作曲的《預言書》,期間忍不住落淚,更喊到唱不下去。


Encore環節,Kenny與全場合唱BOYZ的歌,包括《Girls》、《跟蹤你》,他表示這兩、三個月好像奇迹,又終於提到前拍檔張致恒:「呢個演唱會本來係BOYZ嘅,好多人問我有冇嬲佢,我係失望嘅,第二日佢打畀我,同我鄭重道歉,我已經冇嬲,反而擔心佢,唔知佢會點樣面對之後嘅生活,我唔係想叫大家原諒佢,亦未必適合由我嚟講值唔值得原諒,但佢係同我出生入死嘅好兄弟,大家一齊住一齊玩,當中好多汗水、淚水得我哋先體會到。上次演唱會特別作咗呢首主題曲,經歷呢兩個月嘅事之後唱番特別感觸,都有少少遺憾,我係由BOYZ開始,所以都想用呢首歌作為演唱會最後一首歌。」最後全場大合唱《大男孩》,演唱會圓滿結束。


---------------
立即參加「賞您睇」:https://tinyurl.com/y2e6pmwk
Click下面粒掣,儲on.cc coins!機票、家電、超市禮券、過萬份獎品等緊你。



來源 source: http://hk.on.cc
鍾意就快D Share啦!