網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2019年9月26日 星期四

【李八方online】26歲連登型男現真身 挑機林鄭!推介陳雲《香港城邦論》 __,林鄭,

「是咁的,我被抽中出席林鄭月娥個對話會」。唔知幾多位讀者同八方一樣,睇過呢個熱爆連登po?是咁的,聽意見真係唔使咁勞動師動眾,事關發出呢個po嘅連登仔 ...


「是咁的,我被抽中出席林鄭月娥個對話會」。唔知幾多位讀者同八方一樣,睇過呢個熱爆連登po?是咁的,聽意見真係唔使咁勞動師動眾,事關發出呢個po嘅連登仔,今晚直情現身林鄭對話會,當面同林鄭講,想知道年輕人諗緊乜?花15分鐘上連登就已經得,絕對唔使勞師動眾用咁多警力。佢話估唔到被抽中而又唔知問乜好,所以先向連登仔求助,估唔到不斷被推po,反應咁熱烈,繼而大力推介林鄭download連登app,包佢冇蝕底。

相關新聞:【自說自話】中籤者質疑林鄭做騷向中央交差 市民嘆:同政府講嘢難過中六合彩



自稱年約26歲嘅呢位西裝眼鏡男同時又推介陳雲撰寫嘅《香港城邦論》,話內容真係應驗緊,強調香港嘅最大問題係2047、係身份認同嘅問題,「香港人會係香港嘅香港人,定係中國嘅香港人?」但佢又補充一句,可能唔多關屆時90歲嘅林鄭事……



睇返發呢個「是咁的」嘅po嘅連登仔為「人形蜈蚣」,佢發問後個po湧現一片「巴打好型」嘅留言,又讚佢「教林鄭上連登救香港」,甚至有人話聽完佢發言之後,都有啲興趣讀吓《香港城邦論》。而對話會主持人、政制局政治助理吳璟儁都話有睇呢個po,估唔到有機會見到連登仔真身咁款。

相關新聞:【自說自話】林鄭對話會場附近中小學提早放學 家長不滿添麻煩 學生呻擾民



而林鄭回應提問時呢,就話多謝呢位「26歲嘅參加者」,話自己同佢年紀相差一截,睇嘅前景完全會係兩個世界,但自己都有責任從佢嘅角度去睇香港嘅世界其實係點?由始至終,「連登」呢兩粒字,冇喺林鄭把口出現。



八方會後都問過呢位26歲連登仔,自稱李生嘅佢話對個對話會有乜期望,唔知係咪太天真,覺得林鄭真係有啲想改變,所以咪想到場發表意見。而無論林鄭有冇回應自己嘅提問,佢最想嘅係將意見植入班官員嘅腦中,總之起碼有人面對面同佢講:喂,上連登收料呀。由於佢報咗名參加政府聲言會搞嘅深度對話,睇嚟林鄭係時候上連登,為下次再遇巴打嘅對話做好準備。



-----------------------------



9.28五周年集會

日期:9月28日(星期六)

時間:晚上7時至9時

地點:添馬公園

註︰已獲不反對通知書



主辦︰民間人權陣線

-----------------------------



10.1國殤遊行

日期:10月1日(星期二)

時間:下午2時

地點:維園集合起步往遮打道

註︰不反對通知書申請中



主辦︰民間人權陣線

-----------------------------



-----------------------------

百日特刊記載香港人逆權之路

《逆權百日》

《自由之夏》

-----------------------------




鍾意就快D Share啦!