掃呢頁CODE去手機

2019年9月15日 星期日

法甲:畀PSG球迷噓爆 尼馬照入激靚倒掛! __,尼馬,

(互聯網)巴西巨星尼馬,今夏開晒口話要離隊返西甲,喺巴黎聖日耳門已變過街老鼠。今輪法甲PSG主場鬥斯特拉斯堡,尼馬今季首次上陣,全場畀球迷針對性狂噓仲 ...


(互聯網)


巴西巨星尼馬,今夏開晒口話要離隊返西甲,喺巴黎聖日耳門已變過街老鼠。今輪法甲PSG主場鬥斯特拉斯堡,尼馬今季首次上陣,全場畀球迷針對性狂噓仲慘過作客,但尼馬於補時階段,禁區內左腳轟入超靚倒掛世界波,為PSG一箭定江山,即刻令主場球迷收晒口!


尼馬於2017年加盟PSG,身價高達2.22億歐元,當然成為球隊頭號球星,可謂萬千寵愛在一身。連續2季為球隊奪得聯賽冠軍後,今夏尼馬公開表示要離隊,話到明唔想再為PSG上陣,但無論巴塞或皇馬,都畀唔起PSG嘅超高索價,最後死死地氣留隊,並於今仗首次落場。


開波前PSG球迷已準備大量侮辱性橫額招呼尼馬,佢每次攞波都噓聲雷動,球迷嗌足全場,睇得出尼馬有幾乞人憎。場波去到補時階段,睇嚟會互交白卷完場,但尼馬就接應左路高波傳送,倒掛勁射中柱彈入,成球隊贏波功臣。


賽後尼馬話:「我明白球迷點解咁做,佢哋的確因為我好難受。我冇特別嘢想球迷講,喺職業生涯入面,我已經習慣晒噓聲。我已經預咗,之後每場都好似去咗客場一樣,呢樣嘢係可惜嘅,但我唔會憎球迷。每個人都知我想走,而且唔係講咗一次,但我依家係PSG球員,會盡力為球隊爭取勝利。」


立即參加「賞您睇」:https://tinyurl.com/y2e6pmwk 
Click下面粒掣,儲on.cc coins!機票、家電、超市禮券、過萬份獎品等緊你。



來源 source: http://hk.on.cc
鍾意就快D Share啦!