逃離娛樂圈20年的莊靜而，當年在電影《山狗》一幕濕身鏡頭，迷倒不少男士，其後轉戰電視圈成為花旦，代表作有《IQ成熟時》、《香城浪子》等，97年退隱後移居加拿大相夫教女，近年回流香港。久未露面的莊靜而日前現身中環，今年將「登六」的她被讀者鍾太捕獲，勾起80年代電視撈飯的回憶。
當日下午約2時，莊靜而和女友人在中環排隊等小巴前往瑪麗醫院，鍾太接受《蘋果》電話訪問表示：「我喺中環排小巴，見到莊靜而同女性朋友有傾有講，當時差唔多有100人排隊，我都排咗6架車先上到，不過啲車好密，所以排得好快，因為大家排U字型關係，可以面對面見到佢。」
從鍾太提供的相片，當年青春玉女的莊靜而，今年12月將踏入60歲，素顏的她洗去星味，着穿窿牛仔褲打扮樸素，一頭短髮好清爽，臉上雖然有歲月的痕跡，但一對大眼睛好易認，鍾太說：「因為我細個睇佢電視大，例如《IQ成熟時》，肯定冇認錯人，我聽到佢講嘢，但聽唔到內容，好嘈，但聽到佢把聲，斯斯文文，細細聲講嘢，個樣好精神。」
97年，莊靜而為亞視拍完最後一部電視劇《天長地久》後退出娛樂圈，並移居加拿大溫哥華，專心照顧丈夫和女兒外，更協助丈夫打理汽車維修生意，6年前一家三口現身銅鑼灣，才知她和家人已回流香港。
|
鍾意就快D Share啦！
|
|
|