掃呢頁CODE去手機

2019年10月14日 星期一

【過去了的214日】真女神林泳淘一直關心社會:到底點樣做才會更好 __,女神,林泳淘,

現年29歲的林泳淘,2011年由女子組合LaceeLacey出身,翌年參選港姐落敗加入大台做主持,以小背心被捧為《東張西望》女神。今年3月在ig出po ...




現年29歲的林泳淘,2011年由女子組合Lacee Lacey出身,翌年參選港姐落敗加入大台做主持,以小背心被捧為《東張西望》女神。今年3月在ig出po,呼籲大家參加反修例遊行,結果被雪藏。6月復工,她繼續表明政治心跡,9月底,她又被通知提早一年解約,即被炒魷。

難得她沒有任何仇怨,接受訪問時更帶着燦爛笑容。

「其實我冇嬲,因為我諗呢份合約完咗,公司都都唔會再同我合作,所以我本身都有個心理準備,只不過事情來得好突然,有少少措手不及。但係好好彩,我屋企人係樂天派,基本上我收到電話嗰一晚,阿媽就係自己身邊。佢早幾日先問過我,幾時會有長假,帶佢去英國探家姐,因為家姐早排生咗小朋友。佢聽到我畀人炒咗,就即刻話咁就唔需要度假期,諗諗吓,阿媽好可愛,佢反應又真係幾正。」林泳淘說家人都是樂天派,不單突然被辭退,就算她落選港姐當晚,親戚都相約在她家慶祝,十分反高潮。

今次被炒魷,身為主角的她,甚至出PO表示沒有任何恨意,她說:「我覺得作為一個spotlight底下的人,唔需要focus係仇恨呢件事上,因為事情已經發生咗,唔再需要嬲,無論如何都可以解決。」

反而由被停工到復工,最後無得留低,令林泳淘繼續思考應如何自處並做得更好。

「其實呢幾個月,我不停不停反思自己,因為當初發生事(反修例),我見到佢嘅嚴重性,我覺得大家未必見到,我都想去提大家,去到而家,成件事即係去到好暴力,我會好擔心,如果自己再話畀人聽,你要留意咩,注意咩,而令到大家都有呢個危險,我會覺得唔係我想要嘅嘢。而家睇新聞,之後會好唔開心,但我覺呢個係一個過程,我要自己吸收完,然後諗返成件事到底係點,而我又可以講啲乜,同大家分享。」她一直關心社會動向,訪問後數天,有中大女生被指受警方性暴力,林泳淘繼續在IG發聲,叫大家替她擁抱一下那位受傷的女生,還有所有身體、心靈受傷的人。

事實,她自言一直關心時事,社會,追求有意義的事情。

「我希望做嘅嘢真係有意義,呢幾年,我都諗,到底點樣做先會好啲呢,我會留意好多社區唔同嘅事,之前都會幫手做一啲嘢,但都唔會做到啲咩,有時會捐吓錢,做義工,我覺得最多都係咁,不過嚟緊嘅時間,我希望自己可以向呢方面再諗多啲。」她說。

是否有興趣參選區議員,她笑着說:「我冇諗過,我覺得自己一直以來唔係咁叻嘅人,所以冇諗過,或者將來,等我讀多啲唔同課程,會有一日覺得等我嚟啦,但而家所有嘢都唔知,好難講。」

跟初戀男友拍拖12年,在這風雲變色最易感動的時候,她也沒想過會閃婚,縱使男友表示日後會負責照顧她下半生。

「我哋有一共同概念,如果呢個MOMENT到,件事就會發生,我哋唔會畀對方壓力,同埋以前好急,係因為想生小朋友,而家所有嘢都要睇定啲。」她說。

這個時候,自小喜歡畫畫,曾經想過到外國繼續進修的她,認為在所有未知數之下,暫時最有可能是開畫室,教小朋友畫畫。

-----------------------------

【你爆料,我課金!】

爆相:$500  爆片:$1,000

分清黑白 壹齊揭穿社會黑幕!

詳情https://s.nextmag.hk/e/zg7VUk287Z

-----------------------------

【壹週刊Telegram,與港人同行,每日為你推送抗爭現場實況】

一手報料https://t.me/nextmaghk

最新消息https://t.me/NextPlushk

-----------------------------

【升級壹會員登記站 為你解疑難!】

沙田、旺角、荃灣、觀塘、銅鑼灣5區為你服務

詳情https://s.nextmag.hk/e/Tssefy687Z

鍾意就快D Share啦!