2019年10月25日 星期五

朱茵:老公阿女空降賀48歲 朱茵開心到語無論次 __,朱茵,

生日快樂!藝人朱茵今日48歲生日,日前佢喺印尼峇里島工作嗰陣,就獲工作人員貼心地準備驚喜!見到房入面擺咗唔少氣球裝飾,相當有氣氛,仲有個印有朱茵靚相嘅 ...


生日快樂!


藝人朱茵今日48歲生日,日前佢喺印尼峇里島工作嗰陣,就獲工作人員貼心地準備驚喜!見到房入面擺咗唔少氣球裝飾,相當有氣氛,仲有個印有朱茵靚相嘅蛋糕,精美到令人唔捨得切呀!而令朱茵最開心嘅,相信就係老公黃貫中同阿女黃鶯「空降」現場,事關工作人員準備咗佢兩個嘅紙版公仔,令佢哋可以一家三口合照。工作人員仲爆料話朱茵喺生日會上語無論次,唔知係咪因為太驚喜呢?


壽星女受訪時透露今年生日願望係年年豐足、世界和平,願大家開開心心。而思鄉心切嘅朱茵坦言:「好掛住老公同個女,呢個係我今年第二個生日會,第一個生日會佢哋已經出席唔到,今次佢哋又唔喺我身邊。」佢更一時感觸隔住鏡頭向老公同寶貝女示愛:「老公好掛住你呀,多謝你同寶貝女畀我嘅愛,帶畀我好大嘅庇護,同時亦畀咗一個家我。」好彩最後朱茵都趕得切喺生日前返到香港,可以同家人慶祝生日。


生日禮物方面,朱茵透露早前去歐洲工作時已經揀咗份禮物畀自己:「呢份禮物我當係老公送畀我,至於阿女喺我每次出埠前都會畫幅畫送畀我,呢啲咁珍貴嘅禮物,我會有個寶箱放晒阿女啲畫,同埋老公送畀我嘅情書!」提到會點慶祝生日,朱茵就話:「我會攬住媽咪啜啖先,因為冇佢就冇我,同埋會同屋企人食飯,最好就可以瞓個靚覺」


此外,好友陳法蓉亦喺微博發文為朱茵賀壽:「在這個特别的日子裏,送上我衷心的祝福!茵茵@朱茵 ~生日快樂🎂!」認真Sweet!


---------------
立即參加「賞您睇」:https://tinyurl.com/y2e6pmwk
Click下面粒掣,儲on.cc coins!機票、家電、超市禮券、過萬份獎品等緊你。



來源 source: http://hk.on.cc
鍾意就快D Share啦!
Related Posts Plugin for WordPress, Blogger...