2019年10月3日 星期四

資深演員甘做小螺絲66歲夏玉麟患肺癌落泊蝴蝶夢 __,癌,

66歲的夏玉麟現靠綜援度日,前年不幸患肺癌,無力支付標靶藥的費用,更被親友離棄。
66歲的夏玉麟現靠綜援度日,前年不幸患肺癌,無力支付標靶藥的費用,更被親友離棄。【娛樂人物】夏玉麟,相信沒有多少人會記得起的一個名字,他寂寂無聞,卻演 ...


【娛樂人物】

夏玉麟,相信沒有多少人會記得起的一個名字,他寂寂無聞,卻演出過200部劇集,不過全是閒角,但他毫不介意:「摩打裏面都要用螺絲釘,都重要㗎!」可惜,現年66歲的夏玉麟晚境淒涼,靠綜援度日,前年更不幸罹患肺癌4期,癌細胞已擴散,他無能力支付龐大的醫藥費,急需幫忙。說起人生,飽讀詩書的他以莊周夢蝶作比喻:「人生好似一個夢,但夢醒後又要面對一段人生,希望可以繼續發夢落去。」

撰文:羅慧敏

攝影:林賓尼

相關新聞:相約千禧 望學生珍惜眼前

夏玉麟是一位老師、也是一位演員,他飽讀詩書,在台灣政治大學攻讀文學及歷史,回港考獲教育文憑,卻偏偏喜歡演戲,教書空檔時參與拍劇。1976年,夏玉麟從第一屆麗的電視藝員訓練班畢業、1981年加入無綫當製作副導,在五台山當自由身演員,曾經跟張國榮、劉德華、周潤發及黎明等拍過對手戲,曾演出的作品有《鱷魚淚》、《大地恩情》、《清末四大奇案》、《情陷特區》、《法證先鋒II》及《烈火雄心3》等逾200齣劇集。

「莊周夢蝴蝶,其實人就好似發夢咁,𠵱家我有病,就感覺到人生好似一個夢,但夢醒後又要面對一段人生,希望可以繼續發夢落去,生存喺呢個世界。」夏玉麟以莊子哲學論,形容自己的人生。



夏玉麟以一個file製作回憶錄《我的大半生》,記錄往事。 夏玉麟以一個file製作回憶錄《我的大半生》,記錄往事。
夏玉麟的居處簡陋陳舊,藥物混亂的放滿一角。

夏玉麟的居處簡陋陳舊,藥物混亂的放滿一角。
夏玉麟入行四十多年,拍過200部劇集外,還拍過《警訊》。電視圖片

夏玉麟入行四十多年,拍過200部劇集外,還拍過《警訊》。電視圖片

親製回憶錄

夏玉麟前年證實罹患肺癌4期,癌細胞已經擴散,《蘋果》日前走到夏玉麟位於黃大仙的寓所訪問,因為藥物的關係,夏玉麟左大腿麻痹,走路時一拐拐,說話時也氣喘吁吁。訪問未開始,夏玉麟先從房間裏拿出一個A4大小的綠色活頁膠file,那是由他親手製作、以五個年代劃分自己一生的回憶錄《我的大半生》,裏面有他與沈殿霞、黎明、劉德華等合作的合照、學生寫給他的感謝卡,曾經在台灣當過兵的他,回憶錄還收藏了戰友寫給他的書信。即將走到人生盡頭,夏玉麟說:「我自知唔知仲有幾耐命,我有一個心結,就係想寫低呢幾十年嘅往事,身體越嚟越差,所以就喺個幾禮拜草草迅速咁做咗出嚟。」

相關新聞:【鼓勵留言】學生留言支持夏Sir



「人性好恐怖」

夏玉麟的居處簡陋陳舊,殘破的家具,藥物混亂的堆滿一角,看似已有一段日子沒有打理。他以前一直不願申請綜援或長者支援服務,包括家居清理與膳食服務,全因為面子,可惜最終總要面對現實:「我係硬骨頭,我以前唔肯攞綜援,因為咁係自我承認失敗,我唔肯承認,揸枴杖都覺冇面,寧願撐落去,但冇辦法,買藥就真係捱唔住嘞,希望有人幫幫。」

患癌後,夏玉麟在短短兩年間被親友離棄要自生自滅,頓悟冷暖人情,他聲淚俱下說:「無可奈何,醫生話(我對)第一代標靶藥有抗藥性,叫我食第三代,要4萬幾一次,但係我唔夠錢,嗰種心酸……藥係用嚟救命,但係因為冇錢,醫生鼓勵我搵『蘋果基金』,好感激,仲有少少希望,社會上仲有人會同情。病咗之後,我領悟到一樣嘢,就係患咗癌病唔一定會死,但朋友親戚就一定死晒,佢哋會離棄咗你,唔知死晒去邊?冇人會理你,啲人會怕你問佢借錢,我𠵱家先知道係咁,人性係好恐怖。」一生不如意,夏玉麟晚年無所依:「唔緊要㗎, 每個人都會帶住自己嘅故事上路,每個人嘅一生有高低起跌,每個人嘅命運唔同,我唔會介意。」他還希望生命能夠延續,繼續經歷人生。



「路係自己行」

其實夏玉麟一直也有拍劇維持生計,近年拍過無綫的《溏心風暴3》和《街坊財爺》等,可惜最近身體已未能負荷。熱愛演戲的夏玉麟,70年代從台灣回港,就加入藝員訓練班:「76年嘅時候,因為好鍾意做戲,所以加入咗訓練班,簽約三年再續一年,但係自己唔紅,所以去咗教書,娛樂圈唔係1加1等於2,影視界係講運氣,但唔知運氣乜嘢時候嚟,當時我死心不息,教書唔使好多時間,散工去拍劇,佢哋仲話我係邊緣人。」

一直以來,夏玉麟都只是演小角,他卻毫不介意的說:「冇小角色,只有小演員,摩打裏面都要用螺絲釘,摩打大晒咩?螺絲釘都重要㗎!所有角色都重要,冇小角色嘅,只係有細路仔嘅小演員,呢個係我學習返嚟嘅心態,你係主角,我呢個看更都有戲,所有角色都係好重要。」夏玉麟又謂早前看報道,他對鄭秀文爸爸說的一句話印象非常深刻,他說:「我𠵱家病咗,行得慢,我都有鄭秀文爸爸嘅心態,路係自己行嘅,我行我嘅陽關道,你行你嘅獨木橋。」

「夏玉麟」暖流之友編號:C4668

「蘋果日報慈善基金」聯絡方法:

電話:29908688

傳真:23076307

電郵:mailto:charity@adfund.org.hk

WhatsApp:98627828

「蘋果日報慈善基金」捐款方法:

–以PPS或信用卡作網上捐款: https://bit.ly/applecharity

–銀行存款:

匯豐銀行:580-198836-001

恒生銀行:368-006565-001

中國銀行:012-898-00067655

東亞銀行(往來戶口):015-514-68-01678-5

–現金捐款(OK便利店)

–填妥捐款表格透過VISA、MasterCard或AE信用卡捐款

如讀者捐款至「夏玉麟」,請於入數紙/支票背面寫上其C4668編號,然後電郵/傳真/WhatsApp訊息/郵寄予本基金。




鍾意就快D Share啦!
Related Posts Plugin for WordPress, Blogger...