2019年10月6日 星期日

「牛雜妹」李亦喬(前名:李美琪):肚凸凸睇嬰兒用品!牛雜妹:結婚係為生B __,李美琪,牛雜妹,

Monnie着鬆身裙落力研究嬰兒用品!藝人「牛雜妹」李亦喬(Monnie,原名:李美琪)2017年與糖水舖太子爺Jill拍拖,拍拖兩年的二人感情穩定, ...


Monnie着鬆身裙落力研究嬰兒用品!


藝人「牛雜妹」李亦喬(Monnie,原名:李美琪)2017年與糖水舖太子爺Jill拍拖,拍拖兩年的二人感情穩定,隨住早前Monnie與經理人公司和平約滿後變成自由身,據知她無論事業和感情生活都希望更上一層樓,與男友有結婚打算的她,更疑似雙喜臨門!


細心研究做功課


日前Monnie現身港島區某商場,穿上白色鬆身連身裙的她,身形明顯圓潤,疑似肚凸凸!見她步履輕盈,一馬當先去睇BB衫,主攻初生嬰兒衫的她相當細心研究布料,做足功課。及後見她轉睇BB用品,當中包括餐椅、BB車及玩具等,見她除摸上手外,又不時用電話拍照向男友匯報,似乎已為生B為好準備。最後經過一輪考察後,她經過壽司店想買壽司充飢,卻見她拎上手時嘴扁扁,之後又再放低,似乎為生B戒食生冷食物,認真大犧牲!


有意做嬰兒服裝生意


東網向她求證,問到是否有孕?她即笑言:「唔係,係我朋友有BB,當日我係揀禮物畀佢,睇吓有咩啱佢用。」另外,她又指因有意做嬰兒服裝生意,故順道取經:「睇吓市場賣緊乜,其實我哋都已經做晒市場調查,同埋之前都去過入貨,所以就會特登了解吓。」講到何時與男友拉埋天窗?她則坦言希望經濟穩定才組織家庭:「起碼唔會係呢兩年嘅事,如果感情穩定,其實都唔一定需要拎多張證書,結婚對我嚟講係為咗生BB,我想有經濟基礎之後先開始組織家庭。」


---------------
立即參加「賞您睇」:https://tinyurl.com/y2e6pmwk
Click下面粒掣,儲on.cc coins!機票、家電、超市禮券、過萬份獎品等緊你。



來源 source: http://hk.on.cc
鍾意就快D Share啦!
Related Posts Plugin for WordPress, Blogger...