2019年10月28日 星期一

阮兆祥:開騷超晒支!阮兆祥欠梅小惠一世 __,梅小惠,阮兆祥,

有情有義!藝人阮兆祥(祥仔)一連三晚假麥花臣舉行的個唱圓滿結束,他在安歌環節中獻唱《分分鐘需要你》,演唱會於晚上近11時才完結。祥仔接受訪問時稱已圓夢 ...


有情有義!


藝人阮兆祥(祥仔)一連三晚假麥花臣舉行的個唱圓滿結束,他在安歌環節中獻唱《分分鐘需要你》,演唱會於晚上近11時才完結。祥仔接受訪問時稱已圓夢,三日的個唱均有不同感受:「第一場好緊張,好似我嘅初生BB咁,第二場有90分,今日就非常舒泰嘅狀態,監製話今晚畀足120分,見到觀眾好投入,十分感謝。」


希望觀眾安全睇騷


提到當晚適逢旺角有示威活動及封路,問到會否特別感謝現場觀眾雖交通不便仍捧場?他說:「當然係,聽到出面情況有少少緊張,有啲觀眾提早出門口,有啲人都擔心嚟唔到,我今晚啲飛係全部賣晒,但只有8成人嚟到,佢哋買飛已經係好好嘅鼓勵,開演唱會唔容易,尤其呢個時勢,所以好感謝,我都冇諗過有安歌環節,我話冇車喇,佢哋都唔肯走。我都有諗喺(環境)比較緊張嘅情況下點處理,但好多朋友已經嚟咗,我都希望如期舉行,唔想令大家失望。我哋都有同場地傾過,如果萬一好大件事,佢哋都會畀我哋留低。希望大家睇得開開心心,喺安全下聽我嘅歌。(會唔會有退票安排?)要問主辦方,梅小惠係大統籌,如果有觀眾嚟唔到,我係好願意作refund(退款)。」至於會否有相關安排給工作人員離開會場,祥仔初時開玩笑指有百人保安,後來才正經說:「冇,咁大個人,我哋會一齊去慶功宴食番餐先,食完應該冇問題,如果有需要會安排交通畀佢哋,我哋大家一齊打拚咗兩個幾月,大家都係好拍檔。」


再儲錢開騷


今次是祥仔相隔6年後開個唱,問到下次要隔多久?身為個唱出品人的祥仔笑謂要等他再儲錢:「今次三場騷花咗7位數,我將個舞台加高同加長咗,又有機器同燈光,平時呢個場用120盞燈,今次用咗190盞燈,個預算係超預算,因為我想做個有水準嘅演唱會,作為我回歸樂壇嘅禮物,至於幾時儲夠錢開下一個演唱會,就要睇吓大家安排幾多工作畀我。希望有機會做巡迴,已經有娛樂公司同我洽談但都係出年嘅事。(今次演唱會可以收支平衡?)應該未必,我未計數,要問(梅)小惠,我經常話想花錢,佢就叫我慳啲。(你點答謝佢?)我同佢唔係一件事,而係日積月累,佢出名有義氣,今次個唱佢花咗好多心思、體力同時間,我同佢任何時間聯絡佢都係工作中,凌晨2、3點WhatsApp佢傾工作,第二朝8、9點佢就喺辦公室,我一世欠佢。」


---------------
立即參加「賞您睇」:https://tinyurl.com/y2e6pmwk
Click下面粒掣,儲on.cc coins!機票、家電、超市禮券、過萬份獎品等緊你。



來源 source: http://hk.on.cc
鍾意就快D Share啦!
Related Posts Plugin for WordPress, Blogger...